3-Мавзу: су/урта атамалари ва тушунчалари

Мажбурий ва ихтиёрий суғурта

Мажбурий ва ихтиёрий суғурта хозирда муҳим масалалардан бири хисобланади. Бошқа МДХ республикаларида мажбурий суғуртанинг куплаб турлари бекор қилинган булсада, бизда нима сабабдан сақланмоқда каби саволлар купчиликни қизиқтиради.

Бу саволларга жавоб бериш мажбурий суғуртанинг ихтиёрий суғуртадан нима билан фарқ қилишини курсатишни талаб қилади. Бунинг учун қуйидаги солиштирма чизмадан фойдаланамиз.

Мажбурий суғурта	Ихтиёрий суғурта
Мажбурий суғурталашда барча мажбурий тартибда суғурталанади, ёппасига амалга ошириладиган суғурта.	Ихтиёрий суғурта танлаб олиш йули билан суғурталанувчининг хохиши билан амалга ошириладиган суғурта, бу суғуртадан ўтиш мажбурий эмас.
(Суғурта бадаллари, мукофотлари) туланмаганига қарамасдан суғурта давом этади. Суғурта бадал тулаш билан боглиқ эмас.	Суғурта бадал тулаш билан узвий богланган. Шартнома тузиб бадал туланмаса суғурта кучга кирмайди.
Суғуртанинг муддатсизлиги ва уз узидан суғурталаниш, муддатсизлик транспорт ва қишлоқ хўжалик экинлари учун нисбий бўлиб, йуловчи етиб келгандан кейин ёки хосил йигиштириб олингандан кейин суғурта уз кучини йуқотади.	Шартномада курсатилган муддат билан суғурта даври чегараланади. Агар суғурта бадали туланмаса, суғурта муддати тухтаб қолади.
Суғурта таъминотининг нормаллаштириши.	Суғурта таъминоти мулк бахоси ва суғурталанувчининг хохишига қараб олдиндан белгиланади.
Конун асосида тартибга солиниши.	Суғурта дастурлари асосида тартибга олинади. Ихтиёрий суғурта ҳақидаги қонун шархланмайди.

Мажбурий суғурта баъзан ихтиёрий суғурта билан богланган, мажбурий тартибда суғурталанган иморатлар ихтиёрий тартибда ҳам суғурта қилиниши мумкин.

Масалан, йуловчилар суғуртасининг мажбурий тури бўйича барча йуловчилар узоқ масофага борадиган булсалар мажбурий равишда ёппасига суғурталанадилар. Суғурта бадали чипта таркибига киритилади. Масофага етгандан кейин суғурталаш тухтатилади.
Янги қурилган уй-жой бинолари қад кутариб, усти ёпилгандан бошлаб мажбурий суғурталанган хисобланади. Агар объектга ут тушиб ёниб кетса зарар суғурта ташкилоти томонидан қопланади.