3-Мавзу: су/урта атамалари ва тушунчалари

Суғурта далолатномаси (акти). Суғурта ходисасининг содир булганлигини ва унинг сабабларини исботлаб берувчи расмий хужжат. Мулк суғуртасида далолатнома асосида зарар миқдори ва унга туланадиган қоплама миқдори аниқланади. Хужжат қоплама олишда асос булади. Шахсий суғуртада суғурта далолатномаси бахтсизлик ходисасини тасдиқлаш, унинг суғурталанувчини бу ходиса хизмат вазифаларини бажаришда ёки йулда булганида содир булганини аниқлашга имкон беради. Суғуртанинг бошқа турлари бўйича далолатнома талаб қилинмайди, тиббиёт ташкилотининг маълумотномаси етарли булади.
Суғуртада зарар. Суғуртада зарар деганда суғурта бахосида ишлаб чиққан ёки бир қисми зарарланган мулк бахоси тушунилади. Етказилган зарарнинг тула ёки қисман суғурталанувчига туланиши суғурта қопламаси деб аталади.
Суғурта рентаси. Қўшимча пенсия суғуртаси асосида суғурталанувчига ой ёки йил давомида туланадиган даромад. Қўшимча пенсия суғуртасида агар бадалларни уз вақтида тулаб борилган булса, пенсия ёшига чиққан ойдан бошлаб, Қўшимча пенсия туланади.
Суғурта қопламаси. Суғурта ходисаси содир булгани туфайли етказилган зарар миқдорини қоплаш учун ажратилган маблаг.


Амалиётда қулланиладиган хорижий суғурта атамалари.

Мамлакатимизда бозор иқтисодиёти шароитида суғурта тадбирларини кенгайтириш, хорижий тажрибалардан самарали фойдаланишни тақазо этмокда. Бу тадбирни амалга оширишининг дастлабки шартларидан бири халқаро суғурта атамаларини ўрганиш ва уларнинг мазмуни билан яқиндан танишишдир. Мамлакатимизда қулланилаётган халқаро атамаларнинг сони кун сайин ортиб бормоқда. Лекин уларнинг куплари узбек тилида уз эквивалентларига эга эмаслар. Шу муносабат билан хорижий суғурта атамаларини танлашда биринчи навбатда хозирги амалиётда қулланилаётган ва қулланиши кутилаётган атамаларга изох бериб утамиз.

Халқаро суғурта атамалари мазмуни бир йўналишга эга булмаганлиги учун уларнинг мазмунини алохида масала сифатида ёритиб утамиз.
Суғурта бозори. Суғурта бозори бир неча суғурта ташкилоти билан шаклланиб, ундаги ҳар бир суғурта ташкилоти вакили уз суғурта ташкилотининг фаолияти, таклиф қилинадиган суғурта турлари ва шартлари ҳақида булажак суғурталанувчиларни таништиради ва уларнинг бирортасини танлашга ёрдам беради, лозим булганда суғурта шартномасини расмийлаштиради. Суғурта бозори бир шаҳар, мамлакат миқёсида эмас, балки бир неча мамлакат микесида, халқаро суғурта бозори сифатида шаклланади, шунингдек, қайта суғурталаш тадбирларини ҳам амалга оширишда ёрдам беради.