3-мавзу: масса алмашиниш асослари

Қуритиш-қаттиқ материаллар таркибидаги намни буғ шаклида чиқариб юбориш жараёнидир. Ушбу жараёнда фаол компонент-одатда сув буғ фазага ўтади.
Кристалланиш-суюқ эритмалар таркибидаги қаттиқ фазани кристалл шаклида ажратиб олиш жараёнидир. Ушбу жараёнда модданинг суюқ фазадан қаттиқ фазага ўтиши руй беради.
Иссиқлик ўтказишга ўхшаб масса ўтказиш ҳам мураккаб жараён бўлиб, модданинг (массанинг) дастлаб бир фаза ичида силжишини, унинг фазалар орасидаги сиртдан ўтишини ва кейин унинг иккинчи фаза чегарасида узатилишини ўз ичига олади. Модданинг бир фазадан иккинчисига, уларни ажратиб турган сирт орқали ўтиш жараёни масса ўтказиш деб номланади. Модданинг бир фаза ичидан фазаларни ажратувчи сиртга ёки бунинг тескариси, ажратиб турувчи сиртдан фазага ўтиши эса масса бериш жараёни дейилади.
3.2. Фазалар таркибини ифодалаш усуллари

Икки компонентли фазалар таркиби 2.1-жадвалда келтирилган концентрациялар ёрдамида ифодаланади.

2.1-жадвал. Икки компонентли фазалар таркибини ифодалаш

Концентрация	А компонент концентрациясининг белгиланиши
	Суюқ фазада	Газ фазада
Мол улуши,	х	у
Масса улуши,
Нисбий мол улуши,	Х	У
Нисбий масса улуши,
Ҳажмий мол улуши,	Сх	Су
Ҳажмий масса улуши,

Компонентнинг газ фазадаги концентрациясини унинг парциал босими орқали ҳам ифодалаш мумкин. Клайперон ва Дальтон тенгламаларига асосан идеал газ аралашмаси ихтиёрий компонентининг мол (ҳажмий) улуши қуйидагига тенг:

у=р/П (2.1)

бу ерда р–аралашма компонентининг парциал босими; П=Р_А+Р_В+Р_С+…-барча компонентлари парциал босимларининг йиғиндисига тенг бўлган газ ёки буғ аралашмасининг умумий босими.