3-mavzu: ko’chmas mulkni boshqarish tushunchasi va asosiy maqsadlari

3-MAVZU: KO’CHMAS MULKNI BOSHQARISH TUSHUNCHASI VA ASOSIY MAQSADLARI
Reja:
1. Ko’chmas mulkni boshqarish tushunchasi.
2. Ko’chmas mulk bozorini boshqarish maqsadi va tamoyillari.
3. Ko’chmas mulkni boshqarish maqsadlari.
4. Ko’chmas mulk ob’ektlarini boshqarish mexanizmi.


Tayanch iboralar: Ko’chmas mulk, Ko’chmas mulkni boshqarish, Ko’chmas mulk bozorini boshqarish, Ko’chmas mulk bozori ishtirokchilari, Ko’chmas mulk ob’ektlarini boshqarish mexanizmi.

1. Ko’chmas mulkni boshqarish tushunchasi

Tadbirkorlik faoliyatining maxsus turi sifatida ko’chmas mulkni boshqarish quyidagicha talqin qilinishi mumkin:

• 
  mulk ob’ektlariga bo’lgan mulkiy huquqlarga nisbatan qarorlar qabul qilish va hujjatlarni rasmiylashtirish;
  
• 
  shaxsiy ehtiyojlarni qondirish yoki tijorat maqsadida foydalanish uchun aniq turdagi ob’ektni uning ekspluatatsiya jarayonida boshqarish;
  
• 
  qo’yilgan maqsadlarga erishish uchun ko’chmas mulkka istalgan bir marotabalik maqsadli tashkiliy ta’sir ko’rsatish;
  
• 
  ma’lum ijtimoiy-iqtisodiy natijalarga erishish uchun boshqarish funksiyalariniamalga oshirishjarayoni;
  
• 
  o’zgaruvchan sharoitlarda iqtisodiyotni barqarorlashtirish va samarali rivojlantirish maqsadida davlatning vakolatli organlari tomonidan amalga oshiriladigan qonunchilik va ijro etish reglamenti hamda ko’chmas mulk munosabatlarining barcha ishtirokchilarining xatti-harakatlarini nazorat qilish tizimi.
  

Boshqarish – oddiy rieltorlik operatsiyalariga qaraganda ko’chmas mulk bilan ishlashning yuqoriroq darajasi hisoblanadi.
Ko’chmas mulk ob’ektlarini boshqaruvchi fuqarolik huquqi, moliyaviy menejment, investitsion tahlil, investitsion loyihalarni boshqarishning nazariyasi va amaliyoti kabilar bo’yicha chuqur bilimlarga ega bo’lishi kerak.
Tadbirkorlik sohasida ko’chmas mulk ob’ektlarini boshqarish – bu tavakkalchilikka asoslangan, mulkdor topshirirg’iga binoan uning o’z ko’chmas mulkiga egalik qilish, foydalanish va tasarruf etish huquqlarini amalga oshirishdan daromad olish faoliyatidir.