3-мавзу. Ишлаб чиқариш инфратузилмасида алоқа ва коммуникация

Почта алоқаси тармоғи – почта алоқаси объектлари ва почта йўналишлари мажмуи.
Почта алоқаси объектлари – почта алоқаси операторларининг алоҳида бўлинмалари, яъни почтамтлар, почта алоқаси узеллари, бўлимлари ва пунктлари, шунингдек, темир йўл станциялари ва аэропортлар қошидаги почта алмашиш пунктлари.
Ўзбекистон Республикасида почта алоқаси:

• 
  умумий фойдаланишдаги почта алоқаси
  
• 
  махсус мўлжалланган почта алоқаси
  

Умумий фойдаланишдаги почта алоқаси – барча юридик ва жисмоний шахслар фойдаланиши учун оммавий шартнома шартлари асосида очиқ бўлган почта алоқасининг тури бўлиб, оператор ва провайдерлар томонидан Ўзбекистон Республикаси ҳудудида почта алоқаси фаолиятининг ягона принциплари асосида амалга оширилади.
Махсус мўлжалланган почта алоқаси - почта алоқаси соҳасида махсус ваколатли органнинг махсус алоқаси, давлат фельдъегерлик алоқаси, Ўзбекистон Республикаси Мудофаа вазирлигининг фельдъегерлик-почта алоқасига бўлинади.
Ўзбекистон Республикасида почта алоқаси фаолиятининг асосий принциплари:
- ҳамма фойдаланувчилар учун очиқлиги;
- Ўзбекистон Республикасининг бутун ҳудудида почта жўнатмалари транзитининг эркинлиги;
- умумий фойдаланишдаги почта алоқаси фаолиятида иштирок этишда юридик ва жисмоний шахсларнинг тенг ҳуқуқлилиги;
- ҳар бир шахснинг ёзишмалари ва почта жўнатмалари сир тутилиши ҳуқуқини таъминлаш;
- почта алоқаси соҳасида стандартлар, қоидалар ва нормаларнинг ягоналиги.
Ўзбекистон Республикасида телекоммуникациялар - сигналлар, белгилар, матнлар, тасвирлар, товушлар ёки ахборотнинг бошқа турларини ўтказгичли, радио, оптик ёки бошқа электрмагнит тизимларидан фойдаланган ҳолда узатиш, қабул қилиш, қайта ишлаш
Ўзбекистон Республикасида телекоммуникациялар тармоғи – узатишларнинг бир ёки бир неча турини: телефон, телеграф, факсимиль турларини, маълумотлар узатиш ва ҳужжатли хабарларнинг бошқа турларини, телевизион ва радиоэшиттириш дастурларини трансляция қилишни таъминловчи телекоммуникация воситаларининг мажмуи
Ўзбекистон Республикасида телекоммуникациялар тармоқлари қуйидагиларга бўлинади:
1) умумий фойдаланишдаги телекоммуникациялар тармоқлари
2) идоравий телекоммуникациялар тармоқлари
3) ажратилган телекоммуникациялар тармоқлари