3-Мавзу. Ахборот тизимларидаги жараёнлар ва уларни таркиби, маълумотлар базаси тушунчаси ва уни тузилмаси Режа

Техника даражаси бўйича ахборот тизимлари куйидаги тизимларга бўлинади:
• дастаки;
• механизациялашган;
• автоматлаштирилган;
• автоматлашган.
Тизимни санаб ўтиш тартиби улар яратилишининг тарихий кетма-кетлигини акс эттиради.
Дастаки ахборот тизимларида ахборотга ишлов беришнинг барча жараёнлари қўлда бажарилади. Қўлда ишлов бериладиган тизимларнинг ахборот массивлари хажми унча катта бўлмайди, маълумотлар турли типдаги элтувчиларда сакланади. Бундай тизимларда ахборотни қидириш учун оддий селектив мосламалардан фойдаланилади. Аслини олганда, дастаки ахборот тизимлари тизим эмас, балки маълум белгилар мажмуи бўйича зарур ахборотни кидиришни енгиллаштирувчи қурилмалар хисобланади. Бу курилмалар арзон, улар билан ишлаш оддий, уларни ишлатиш учун олий малакали хизмат кўрсатувчи ходимлар талаб этилмайди.
Механизациялашган ахборот тизимларида ахборотга ишлов бериш ва қидириш учун турли механизациялашган воситалардан фойдаланилади, улар орасида ҳисоблаш-перфорация машиналари энг кенг тарқалгандир.
Механизациялашган ахборот тизимларида ахборот элтувчилари бўлиб, перфокарталар хисобланади. Бундай механизациялашган тизимларнинг техник воситалари таркибига перфорация машиналари тўплами киради, уларнинг хар бири муайян бир вазифани бажаради.
Перфоратор ёрдамида ахборот дастлабки хужжатлардан перфокарталарга ўтказилади. Сараловчи умумий белгиларга эга бўлган перфокарталарни алоҳида гуруҳлар бўйича жойлаштиради.
Автоматлаштирилган ва автоматлашган ахборот тизимларидаги ахборотни сақлаш, унга ишлов бериш ва кидириш учун хамда компьютерларда ахборотни тўплаш, тайёрлаш ва узатиш, шунингдек ахборотни истеъмолчигачиқариб бериш билан боглик операцияларни бажариш учун ҳам фойдаланилади. Бу тизимлар кенг функционал имкониятларга эга ва ахборотнинг жуда катта ҳажмларини саклаш хамда ишлов беришга қодир. Бу ерда ахборот элтувчилар компьютерларнинг хотира қурилмаларидир.
Энг кенг таркалган автоматлаштирилган ахборот тизимлари (ААТ) ишида ахборотга ишлов бериш технологик жараёнининг турли босқичларида (ахборотни тўплаш ва уни компьютерга киритишга тайёрлаш, қидириш жараёнида) одам иштирок этади. Инсон ААТ нинг ташки муҳит томонидаги шериги хисобланади ва чикадиган ахборот тизими айнан унга мўлжаллангандир.
ААТда барча жараёнлар одам иштирокисиз ўтади. Одатда, автоматлашган тизимлардан анча йирик тизимлар таркибида, масалан объектлар ва технологик жараёнларни бошқаришнинг автоматлашган тизимларида фойдаланилади. Автоматлашган тизимларнинг «шериклари» роботлар, дастур воситасида бошкариладиган станоклар, технологик жараёнлар, ишлаб чикариш объектлари ва бошкалар хисобланади. Бундай тизимларда киритиладиган ахборот сигналлар ёки бирор-бир физик катталиклар шаклида такдим этилади, чикадиган ахборотдан эса бошкариш ва созлаш учун фойдаланилади.
Ҳозирги вактда турли мақсадларга мўлжалланган кўплаб ахборот-маълумот тизимлари муваффақиятли ишлаб турибди, улар фойдаланувчиларнинг ахборот сўровларини кондириш учун йўналтирилган. Бундай тизимларнинг ўзига хос хусусияти шундаки, уларда сўровга мувофик равишда топилган ахборотдан айнан шу тизимнинг доирасида бевосита фойдаланилмайди, балки фойдаланувчига берилади, у олинган ахборотдан ўзига зарур исталган мақсадларда фойдаланади. Аэрофлот ва темир йўл транспортида жойларни олдиндан банд қилишнинг автоматлаштирилган тизими ана шундай ахборот-маълумот тизими учун мисол бўлиб хизмат қилади. Бу тизимлар оператив тизимларнинг типик мисоли ҳам бўла олади, чунки тизимга деярли хар бир мурожаат қилиш ахборот фондининг жорий ҳолати ўзгаришига олиб келади (жойлар банд қилинади, янги рейслар кўшилади ва ҳ.к.).
Ахборот-маълумот тизими сўровга мувофик равишда унинг ахборот фондида сакланаётган маълумотлар ичидан зарур ахборотларни кидириш ишларини амалга оширади.
Қидириш бундай тизимларда асосий операцияларданбири ҳисобланади, шунинг учун улар ахборот-кидирув тизимлари (АҚТ) ҳамдир.