3 Маъруза Мавзу. Лат таъминот турлари

ЛАТнинг техникавий таъминоти

ЛАТнинг техникавий таъминоти - автоматлаштирилган лойихалашни бажариш учун мўлжалланган ўзаро боғланган ва ўзаро таъсир қилувчи техникавий воситалар мажмуидир.

ЛАТнинг исталган ҳисоблаш комплектлари қуйидагиларни уз ичига олиши керак: информацияни киритиш ва чиқариш қурилмалари, график, электрон ва алфавит-рақамли дисплейлар (ГД ва АПД), ҳар ҳил форматли юқори аниқли рулонли ва планшетали графқурувчилар, график информацияни кодловчилар, сканерлар, принтерлар, магнитли дискларда тўпловчи (накопител)лар (МДТ), лазерли дискларда тўпловчилар, катта хажмли «Винчестер» типидаги дисклардаги тўпловчилар, функционал клавиатуралар, информацияни микрофильмга чиқарувчи қурилмалар, юқори даражадаги ЭҲМ билан боғланиш қурилмалари.

ЛАТнинг лингвистик таъминоти (ЛТ)

ЛАТ лингвистик таъминоти асосини махсус тил воситалари (лойихалаш тиллари) ташкил қилади; улар автоматлаштирилган лойиҳалаш жараёнларини ва лойиҳавий ечимларни баён қилиш учун мўлжалланган. Лингвистик таъминотнинг асосий қисми - инсоннинг ЭҲМ билан мулоқат қилиш тиллари. Лойихалашнинг муаммоли-йуналган тиллари (МЙТ) лойиҳалашнинг алгоритмик тилларига (Visual Basic, Visual C++, Delphi, Java, Visual Fox Pro ва ш.к.) ўхшаш. Юқори даражали алгоритмик тил ўзгартгичи (транслятори) зарур бўлган махсус дастурлар билан тўлдирилади.

ЛТлар тиллар деб номланса хам, амалда лингвистик ва дастуравий воситалар комплексини ифода этади. Улар қуйидаги воситаларни ўз ичига олиши керак: МЙТ терминал символларининг тўплами; МЙТдан интерпретация қилувчи; синтаксистик тахлил воситалари; директиваларни пакетлаш воситалари; МЙТ базавий функцияларининг кутубхоналари; МББТ билан боғланиш интерфейси.