3 Маъруза Мавзу. Лат таъминот турлари

3 - Маъруза

Мавзу. ЛАТ таъминот турлари

Режа.

• ЛАТ информацион таъминот
• ЛАТ техникавий таъминот
• ЛАТ лингвистик таъминот

ЛАТнинг информацион таъминоти (ИТ)

Лойиҳаловчилар лойиҳалаш жараёнида лойиҳавий ечимларни бевосита ишлаб чиқиш учун фойдаланиладиган маълумотлар ЛАТнинг информацион таъминоти (ИТ) асосини ташкил қилади. Ушбу маълумотлар турли олиб юрувчи (носитель)лардаги у ёки бу кўринишдаги хужжатлар кўринишида тақдим қилиниши мумкин. Бу олиб юрувчиларда материаллар комплектловчи (бутловчи) буюмлар, намунавий лойиҳавий ечимлар, элементлар параметрлари ҳақидаги маълумот (справка) тавсифидаги ахборотлар хамда оралиқ ва натижавий лойиҳавий ечимлар, лойиҳаланаётган объектлар структураси ва параметрлари ва шу кабилар кўринишидаги жорий ишламаларнинг ҳолати хақидаги маълумотлар бўлади.

ЛАТнинг информацион фонди

Бир ўзгариш натижаси бўлган маълумотлар бошқа жараён учун бошланғич маълумот бўлиши мумкин. ЛАТнинг хамма компонентлари томонидан фойдаланиладиган маълумотлар мажмуи ЛАТнинг информацион фондини ташкил қилади. ЛАТ ИТнинг асосий функцияси-информацион фондни бошқаришдир, яъни маълумотларга кира олишни ҳосил қилиш, қўллаб-қувватлаш ва ташкил қилишни таъминлайди. Шундай қилиб ЛАТ ИТ - информацион фонд ва уни бошқариш воситаларининг мажмуидир.

ЛАТ информацион фонди таркиби

ЛАТ информацион фонди таркибига қуйидагилар киради:

• дастурий модуллар. Улар белги (символ) объектли матн кўринишида сакланади. ЛАТнинг ҳаётий цикли давомида бу маълумотлар кам ўзгаради, белгиланган ўлчамларга эга бўлади ва информацион фонд яратилиши босқичида пайдо бўлади. Бу маълумотларнинг истемолчилари - ЛАТ турли нимтизимларининг мониторларидир.
• бошланғич ва натижавий модуллар. Улар бир кўринишдан иккинчисига ўзгариш жараёнида дастуравий модулларни бажаришда зарур. Лойиҳалаш жараёнида бу маълумотлар тез-тез ўзгариб туради, лекин уларнинг тури ўзгармас бўлиб, бу турлари мос дастурий модул билан аниқланади. Оралиқ маълумотларни ташкил қилишда турли турдаги маълумотларни ўзаро мувофиқлаштириш жараёнида тафовутли вазиятлар вужудга келиши мумкин.