Сөз жасоонун синтаксистик жолу. Татаал сөздөр

Өзбекстан Республикасы Эл агартуу Министирлиги Жыззак областы Замын району Эл агартуу бөлүмүнө караштуу 44-жалпы билим берүү орто мектебинин кыргыз тили мугалими Яхшиликов Алмаматтин 6-класс кыргыз тили сабагынан бир сааттык «Үлгүлүү сабактын» план конспекти

ТЕМА:Сөз жасоонун синтаксистик жолу.Татаал сөздөр

Сабактын темасы: Кош сөздөр Сабактын билим берүүчүлүк максаты. Кош сөздөр татаал сөздөр- дүн бири экендигин билишет. Анын маанисине карай үчкө бөлүнүшүн өздөштүрүшөт. Сабактын өнүктүрүүчүлүк максаты. Кош сөздүн үч түрүнүн бири- биринен айырмачылыгын далилдешет. Аларды катыштырып, сүйлөм түзүшөт. Сабактын тарбиялык максаты. Окуучулар бири-бирин сыйлашат, жакшы мамиле түзүшөт. Кептик компетенттүүлүк: өзүнүн оозеки жана жазуу кебине байкоо жүргүзөт. Маданияттуу сүйлөөгө умтулат. Тилдик компетенттүүлүк: татаал сөздөрдүн түрлөрүн өздөштүрөт. Кандай сөздөр кош сөздөр болорун билет. Аларды орфографиялык эрежелерге ылайык туура жазышат. Кептик компетенттүүлүк: өзүнүн оозеки жана жазуу кебине байкоо жүргүзөт. Маданияттуу сүйлөөгө умтулат. Тилдик компетенттүүлүк: татаал сөздөрдүн түрлөрүн өздөштүрөт. Кандай сөздөр кош сөздөр болорун билет. Аларды орфографиялык эрежелерге ылайык туура жазышат. Маданий компетенттүүлүк: кыргыз элинин салттуу турмуштук көрүнүштөрүн түшүнөт. Сабакта колдонулуучу ыкма. Деңгээлдик ыкма Сабактын тиби. Жаңы материалды өздөштүрүү Сабактын жабдылышы. Окуу китеби, таблица

Сабактын жүрүшү Уюштуруу. Жагымдуу маанай тартуулоо. Жакшы сөз жан эритет. Үй тапшырмасы окшош мисалдардын жардамы менен текшерилет. Жаңы теманы түшүндүрүү. 1-деңгээл: маалыматтык деңгээл Сөздүк жат жазуу жазышат. Андан кийин доскага сүйлөмдөр жазылат: 1. Он бешинде толгон Ай жердин ак-карасын дааналап, жылга-жыбытты, аң-дөңдөрдү, кокту-колотторду, бийик-бийик аскаларды дапдаана кылып көрсөттү. Силер кара тамга менен басылып жазылган сөздөргө көңүл бургула. – Бул сөздөр кандай жазылганын байкадыңар? – Эки сөздүн ортосуна дефис коюлуптур. – Бул сөздөр эки башка айтылдыбы же жуп-жубу менен айтылдыбы? – Жуп-жубу менен айтылды. Эки же андан көп сөздөрдүн туруктуу айкалышынан түзүлүп, жалпыланган бир түшүнүктү билдирген, жуп-жубу менен айтылган татаал сөздөр кош сөздөр деп аталат. Мугалим таблицаны илип, кош сөздөрдүн маанисине карай бөлүнүшүн түшүндүрөт.