3. маъруза матни 1-боб. Давлат ва ҳуқуқ назариясининг предмети ва унинг ўзига хос хусусиятлари

Конфедерациянинг белгилари:
конфедерация муайян мақсадга эришиш учун бирлашган мустақил давлатларнингиттифоқи;
 конфедерация суверенитетга эга бўлмайди, чунки ушбу тузилма тўла ички ва ташқи суверенитетга эга бўлган мустақил давлатларнинг иттифоқидир;
 конфедерацияда марказий давлат аппарати ва ягона қонунчилик тизими мавжуд бўлмайди;
 конфедерация доирасида у ёки бу муаммоларни ҳал қилиш борасидаги ишларни мувофиқлаштириш мақсадида иттифоқ органлари ташкил этилиши мумкин;
 конфедерацияга бирлашган давлатларнинг ўз фуқаролиги сақланиб қолинади, лекин бу давлатларнинг фуқаролари конфедерация ҳудудида эркин ҳаракатланиш (виза ва бошқа расмиятчиликларсиз) ҳуқуқига эга бўладилар;
 конфедерацияда ягона солиқ тизими, бюджет ва армия мавжуд бўлмайди, лекин конфедерация субъектлари муайян муддатга ягона пул тизими, божхона қоидалари, давлатлараро кредит сиёсати, конфедерация мақсадлари учун бюджет тизимини ташкил қилишлари мумкин;
 конфедератив давлатлар узоқ муддатга сақланиб қолмайди, бунда улар кейинчалик федерацияга айланиши ёки умуман тарқалиб кетиши мумкин.
ягона ҳудуднинг бўлмаслиги;
конфедерация субъектлари ундан эркин чиқиб кетиши мумкинлиги;
конфедерация субъектларининг қонунчилик ҳужжат- ларини қўлламаслик ҳуқуқига эгалиги;
конфедерация ваколатига чекланган доирадаги масалалар- ни ҳал этишкириши;
конфедерация бюджети унинг аъзолари ихтиёрий бадалларидан ташкил топиши.

4.4. Ўзбекистон давлати шакллари

Ўзбекистон Республикаси давлат тузилиши жиҳатидан унитар республикадир. Шу билан бирга, Ўзбекистонда давлат тузилишда федерализмнинг айрим хусусиятлари ҳам мавжуд. Чунки, унинг таркибига маъмурий-ҳудудий бирликлар, шунингдек, суверен давлат ҳуқуқига эга бўлган миллий-ҳудудий тузилма бўлган Қорақалпоғистон Республикаси киради. Ўзбекистон Республикаси Конституциясининг 17 боби Қорақалпоғистон Республикасининг конституциявий-ҳуқуқий мақомини белгилаб берган.

Ўзбекистон Республикаси маъмурий-ҳудудий жиҳатдан Қорақалпоғистон Республикаси, вилоятлар, туманлар, шаҳарлар, шаҳарчалар, қишлоқлар, овуллардан ташкил топган.