3-ish. III guruh kationlarini reaksiyalari va aralashmasini analizini bajarish

7. Kaliy yoki natriy nitrit (KN0₂ yoki NaNO₂) biroz suyultirilgan va CH₃COOH qo'shib kislotali muhitga keltirilgan kobalt (II) tuzi eritmasi bilan sariq rangli ↓K₃[Co(NO₂)₆] kompleks birikma cho'kmasi hosil qiladi:

Co²⁺ +7NO₂^- + 3K⁺ +2CH₃COOH → K₃[Co(NO₂)₆] ↓+ ↑NO + +2CH₃COO^- +H₂O

Bu reaksiya Co²⁺ ionini Ni²⁺ iondan farqlashga imkon beradi va ularni bir-biridan ajratishda qo'llanishi mumkin. Bunday cho'kma suyultirilgan eritmalar qizdirilganda va uzoq turib qolganda yuzaga keladi.

3.9. Nikel kationining reaksiyalar

Nikel tuzlarining suyultirilgan eritmalari va kristallgidratlari yashil rangli bo'ladi. Bu rang akvakompleks ion - [Ni(H₂O)₆]²⁺ ning hosil bo'lishi bilan tushuntiriladi. Nikel ioni ham cho'ktirish reaksiyalaridan tashqari komplekslanish, oksidlanish-qaytarilish reaksiyalarida ishtirok etadi.