3 I боб. Спорт ўйинларида мусобақалашиш фаолиятини қайд этиш ва боҳолаш усуллари

. Боб бўйича хулоса

Мусобақалашиш фаолияти натижаларига ишлов бериладиган қайд этиш технологиясини ҳар бир ўйинчи ва жамоанинг бутун ўйин давомидаги ва алоҳида вақт оралиқларидаги фойдали иш коэффициенти деб ҳисоблаш мумкин. Бу ҳар бир ўйинчининг алоҳида техник - тактик ҳаракатларининг оралиқ ва якуний натижаларга эришиш учун қўшган ҳиссасини белгилаш имконини беради.

1. Футболчиларни тайёрлашдаги асосий вазифалардан бири машғулот самарадорлигини ошириш эканлиги кўрсатиб берилган. Уни ҳал қилишда спортчиларни тайёрлашни мақсадли бошқаришга хизмат қилувчи мусобақалашиш фаолиятини баҳолаш муҳим. Юқори тоифали футболчининг тайёргарлиги ва мусобақалашиш фаолиятини таҳлил қилиш, ҳам махсус тестлардан фойдаланиш ёрдамида аниқлаш мумкин. Биринчи усул афзалроқ. Чунки техник - тактик тайёргарлик бевосита ўйин шароитида баҳоланади. Тест топшириқларидан фойдаланиш назорат натижаларини янглиш талқин қилишга олиб келиши мумкин.
42
2. Пляж - футболида мусобақалашиш фаолиятини бошқариш ўйин фаолияти хусусиятлари тўғрисида аниқ билимларни талаб қилиши аниқланди. Манбалар таҳлили шуни кўрсатадики, спорт ўйинларида ўйин фаолиятини қайд этишнинг турли усуллари таклиф қилинади: диктофондга гапириш, ўйинни видеога ёзиш, ўйин фаолияти стенографияси.
3. Мусобақалашиш фаолияти педагогик кузатишлар асосида таҳлил қилиниши белгилаб берилди. Бундай назорат юқори тоифали спортчининг
техник - тактик тайёргарлиги тўғрисида маълумот олиш ва шу асосда ўқув –машғулот жараёни самарадорлигини баҳолаш имконини беради. Педагогик
кузатишлар тизими муайян: тўғрилик ва ишончлиликнинг етарлича даражасини таъминлаш, миқдорий ва сифат кўрсаткичлари таққосланиши, кузатувчи ҳаракатларни таъминлаш талабларига жавоб бериши лозим.
4. Манбалар таҳлили шуни кўрсатдики, баскетбол, волейбол, гандбол, хоккей, футбол, мини - футбол ва ҳоказо, бўйича спортчиларнинг мусобақалашиш фаолияти маълумотлари берилган, бироқ пляж - футболи бўйича кўрсаткичлар мавжуд эмас. Шунинг учун юқори тоифали футболчиларнинг мусобақалашиш фаолиятини қайд этиш муаммоси долзарб ҳисобланади.
43