3 бўлим: Шўр ерларда доривор ўсимликларнинг интродукцияси ва биологик хусусиятлари

- Доривор мойчечак - Ромашка аптечная (Matricaria recutita L.).
Доривор мойчечак - Asteraceae оиласига мансуб бўлиб, 1 йиллик ўт. Ўсимлик табиий ҳолда Циркумбореаль флора воҳаси (Шарқий Европа, Ғар-бий Сибир) да учрайди. Доривор восита сифатида тиббиётда ўсимликнинг гули фойдаланилади. Унинг таркибида кўп миқдорда эфир мойлари бўлиб, ошқозон - ичак, ич кетиш, томир тортишиш касалликларини даволашда ишлатиладиган воситаларнинг асосини ташкил этади [20] ( илова – 288-бет).
Доривор мойчечак шўр тупроқларда уруғдан интродукция қилинди. Унувчанлиги ва сақланувчанлиги ўртача шўрланган тупроқларда 42,6 - 76,2%
ва кучли шўрланган тупроқларда 31,8 - 87,9% ни ташкил этади.
Доривор мойчечакнинг асосий пояси ўртача шўрланган тупроқларда 25,02,24 см ва барглар сони 14,40,94 та, кучли шўрланган тупроқларда асосий поя 21,01,13 см ва барг сони 25,21,07 та ни ташкил этган. Ўртача шўрланган тупроқларда экилган ўсимликларда 1-тартибли новдаларнинг сони 15,41,75, узунлиги 17,41,87 см ва барг сони 5,81,08 тани ташкил этиб, 2- тартибли новдаларнинг сони 7,81,25 , узунлиги - 10,01,41 см ва барг сони 8,21,28 га етади. Ўсимликлардаги тўп ғунчалар 2,71,25 та, тўп гуллар 11,21,50 та, шаклланган тўп мевалар -4,20,92 та, пишган тўп мевалар -5,21,02 та қайд этилди. Кучли шўрланган тупроқларда эса, ўсимликларда 18,01,95 та 1-тартибли новдалар ҳосил бўлади ва уларнинг узунлиги -19,32,64 см; барг сони -18,42,58 та ни ташкил этган бўлса, 2- тартибли новдалар -8,61,88 та; узунлиги -10,71,25 см; барг сони 5,40,60 ни ташкил этади. Шунингдек, 23,61,72 - тўп ғунчалар; 13,41,47 – тўп гуллар; 17,01,30 - шаклланган тўп мевалар ва 12,22,03 - пишган тўп мевалар кузатилди.
Доривор мойчечакнинг ўсиш ва ривожланиши шўрланмаган (суғориладиган ва лалми) тупроқларда, шўрланган тупроқлардаги ўсимликларнинг ўсиш ва ривожланиш кўрсаткичларига яқин бўлади. Гул хом - ашёсининг ҳосилдорлиги 0,65-0,70 т/га ни ташкил этади [127]. Шўр тупроқларда доривор мойчечакнинг гул хом - ашёси 0,550,09 т/га ва уруғ 0,050,01 т/га га етади.