3-amaliy mashg‘ulot Ot va sifat ularning lug‘aviy-grammatik turlari va lug‘aviy shakllari bo‘yicha mashq tahlili. Son va ravish, ularning lug‘aviy-grammtik turlari hamda lug‘aviy shakllari bo‘yicha mashqlar tahlili

Tezkor savollar va topshiriqlar:

1. 
   Ot so‘z turkumi haqida gapiring.
   
2. 
   Otning qanday ma’no turlarini bilasiz?
   
3. 
   Otning qanday Grammatik shakllari mavjud?
   
4. 
   Otning lug‘aviy shakllarini sanang?
   
5. 
   Otning sintaktik shakllarini sanang?
   
6. 
   Atoqli otlar haqida gapiring.
   

Sifat so‘z turkumi tahlili
22-mashq. Berilgan she‘riy matn asosida quyida havola etilgan topshiriqlarni bajaring.

1. U qo‘shiq kuyladi yor sha‘niga mast,

Sho‘xchan she‘rlar aytda sevgi nomidan.

Hammani kuldirdi qiz esa faqat

Beparvo jilmayib o‘tdi yonidan.

U qo‘shiq kuyladi yor sha‘niga mast,

Yig‘lab, faryod chekdi sevgi nomidan.

Hammani yig‘latdi, qiz esa faqat

Beparvo jilmayib o‘tdi yonidan.

U qo‘shiq kuyladi yor sha‘niga mast,

Na kuldi, na qatra to‘kdi yoshini,

U kuyladi mag‘rur, qiz bo‘lsa shu vaqt

Huzuriga egib keldi boshini. (A.O.)

2. Bulbul o‘gay erur zog‘lar orasida,

Yugurik suv o‘gay tog‘lar orasida.

Muhabbat dardidan bemor qalblarmiz,

O‘gay bo‘lsak ne tong sog‘lar orasida. (A.O.)

1-topshiriq. Gaplarni kuzatib, matndan asliy va nisbiy sifatlarni aniqlang.

2-topshiriq. Asliy va nisbiy sifatlar xususiyatlarini alohida-alohida bayon qiling.

3-topshiriq. 1. Asliy sifatlar guruhiga kiruvchi sifatlardagi umumiylikni toping. 2. Nisbiy sifatlar guruhiga kiruvchi sifatlardagi umumiylikni toping.