3. 2-мавзу. Айланмадан олинадиган солиқ тўловининг мохияти. Режа

4. Солиқни ҳисоблаб чиқариш, солиқ ҳисоботларини тақдим этиш ва солиқни тўлаш тартиби
Алоҳида-алоҳида ҳисоб юритиш(468-модда).
Турли солиқ солиш объектлари ва (ёки) солиқ ставкалари белгиланган бир неча фаолият тури билан шуғулланадиган солиқ тўловчилар бундай фаолият турлари бўйича алоҳида-алоҳида ҳисоб юритиши ҳамда солиқ тўловчиларнинг тегишли тоифалари учун белгиланган ставкалар бўйича солиқни тўлаши шарт.
Савдо соҳасидаги мустақил юридик шахс бўлмаган турли аҳоли пунктларида жойлашган бир қанча савдо нуқталарига эга солиқ тўловчиларга нисбатан ҳам қўлланилади.
Фоизлар тарзидаги даромадларга солиқ тўловчининг ҳисобот (солиқ) даври якунлари бўйича умумий жами даромадларидаги улуши устунлик қиладиган фаолият тури учун белгиланган солиқ ставкалари бўйича солиқ солинади.
Солиқ даври. Ҳисобот даври(469-модда).
Календарь йил солиқ давридир.
Йил чораги ҳисобот давридир.
Солиқни ҳисоблаб чиқариш, солиқ ҳисоботларини тақдим этиш ва солиқни тўлаш тартиби (470-модда).
Ҳисобот (солиқ) даври якунлари бўйича солиқ суммаси солиқ тўловчи томонидан мустақил аниқланади.
Агар ушбу моддада бошқача қоида назарда тутилган бўлмаса, ҳисобот даври якунлари бўйича солиқ суммаси солиқ даври бошидан ортиб борувчи якун билан солиқ базасининг мос солиқ ставкасига фоиз улуши сифатида ҳисоблаб чиқарилади.
Солиқ ҳисоботи солиқ тўловчи томонидан солиқ ҳисобида турган жойидаги солиқ органига қуйидаги муддатларда тақдим этилади:
1) ҳисобот даври якунлари бўйича — ҳисобот давридан кейинги ойнинг ўн бешинчи кунидан кечиктирмай;
2) солиқ даври якунлари бўйича — солиқ давридан кейинги даврнинг 15 февралидан кечиктирмай;
Ҳисобот (солиқ) даври якунлари бўйича солиқни тўлаш тегишли ҳисобот (солиқ) даври учун солиқ ҳисоботини тақдим этиш муддатидан кечиктирмай амалга оширилади.
Ўз-ўзини текшириш учун саволлар
1. Солиқ амалиётида илк бор қачон соддалаштирилган солиқ режими жорий қилинган ва қайси меъёрий хужжат асосида?
2. Кичик бизнес субъектлари таркиби қайси мезонлар асосида белгиланади?
3. Ягона солиқ тўлови қачон жорий этилди?
4. Ягона солиқ билан ягона солиқ тўловининг фарқи нимада?
5. Ягона солиқ тўловини тўловчилари кимлар?
6. Ягона солиқ тўловига солиқ ставкалари қайси мезон асосида белгиланади?
7. Ягона солиқ тўлови бюджетга қайси муддатларда тўланади?
8. Ягона солиқ тўловини бюджетга кечиктириб тўлаш тартиби қандай?
9. Қандай ҳолатларда ягона солиқ тўловини бюджетга кечиктириб тўлашни солиқ органлари рад этиш мумкин?
10. 2007 йил 1 январга қадар савдо ва умумий овқатланиш корхоналари қандай солиқ режимида ишлаган?
11. Савдо ва умумий овқатланиш корхоналарини ягона солиқ тўловини тўловчилар таркибига ўтишнинг аҳамияти ва зарурлиги нимада?
12. Савдо ва умумий овқатланиш корхоналари учун ягона солиқ тўловидан ташқари яна қандай тўловлар, йиғимлар сақлаб қолинган?
13. Умумий овқатланиш фаолияти деганда нимани тушунасиз?
14. Ягона солиқ тўловини тўловчи савдо ва умумий овқатланиш корхоналарининг солиққа тортиш объекти қандай аниқланади?


Топшириқлар
1. Солиқ солишнинг соддалаштирилган тартибини солиқ амалиётида татбиқ этишнинг зарурлигини ўрганиб чиқиш.
2. Юридик шахслар фойда солиғи бўйича имтиёзларни ўрганиш.
3. Солиқ кодексида ягона солиқ тўловини акс эттирилишини ўрганиш.
4. Ягона солиқ тўловини ўз вақтида тўламаганлиги учун белгиланган молиявий жарималарни ўрганиш.