3- mavzu: O`z-o`zini band qilish Reja: 1

3- Mavzu: O`z-o`zini band qilish
Reja:
1. O'z-o'zini band qilishning afzalliklari va undan kelib chiqadigan cheklovlar.
2. O'z-o'zini band qilishning tabiati.


Tayanch so`z va iboralar: qaytma aloqadan foydalanish, tashabbuskorlik, eshitish istagi, o`z-o`zini band qilish, bandlik kafolati, moslashuvchanlik, ish vaqti.

1. 
   O'z-o'zini band qilishning afzallikiari
   

O'z-o'zini band qilish tamoyillari asosida karyerasini qurishni mo'ljallaganlar, odatda, quyidagi besh sababdan kelib chiqishadi: shaxsiy qoniqish, mustaqillikka intilish, foyda olish, bandlik kafolati va shaxsiy mavqe.
Shaxsiy qoniqish. Ayrim odamlar uchun o'ziga ishlash bilan bog'liq asosiy katta taqdirlanish — bu shaxsiy qoniqish. Shaxsiy qoniqish o'z hayoti bilan o'zi xohlagan narsani ijod qilish imkoniyati borligida ifodalanadi. O'z-o'zini band qilish sizga har bir ish kunini o'zingizga rohat bag'ishlaydigan ishni bajarishga sarflashingizga imkon beradi. Masalan, rasm olishni yaxshi ko'rsangiz, siz o'zingizni xususiy studiyangizni tashkil etishingiz mum­kin. Har safar mijoz o'z fotoportretidan qoniqqanini bildirganda, siz ham shaxsiy qoniqish his qilasiz.
Siz o'zingiz yashaydigan jamoaga yordam berganingizdan ham qoniqish olishingiz mumkin. O'z-o'zini band qiladigan odamlar mahalla aholisiga tovarlar yetkazib beradi, xizmatlar ko'rsatadi hamda ularga ish o'rinlarini taqdim etadi. Ular, shuningdek, boshqa mahalliy korxonalarning tovarlari va xizmatlarini sotib olishadi, mahalliy banklardan qarzga pul olishadi, soliqlami to'lashadi.
Mustaqillik. O'z-o'zini band qilishning yana bir afzalligi mustaqillikdir. Mustaqillik — bu boshqalar tomonidan nazoratning yo'qligi. Siz o'z bilimingiz, ko'nikmangiz va qobiliyatingizni o'zingiz xohlagan tarzda qo'llashingiz mumkin. Boshqa ishlaydiganlarga nisbatan, o'z-o'zini band qilgan odamlar ko'proq erkinlikka ega. Ular o'zlari zarur vakolatlarga ega va oldindan boshqa birovlarning roziligini olmasdan qaror qabul qilishlari mumkin.