3- курс кимё талабалари учун Кимё ўқитиш методикасида

Tajriba xavfsizligi. O’qituvchi dars vaqtida o’quvchilar xavfsizligi uchun to’liq javob beradi. Shuning uchun u kimyo xonasida ishlashdagi xavfsizlik texnikasi qonun-qoidalariga amal qilishi va uni bilishi shart . Kimyo xonasida o’t o’chirish vositalari,mo’rili shkaf, birinchi yordam ko’rsatish vositalarining bo’lishi va ularni ishlata bilish talab etiladi. Tajriba olib boriladigan idishlar hamma vaqt toza bo’lishi kerak. Portlash bilan boradigan tajribalarni o’tkazishda ko’rinuvchan himoya to’sig’i ishlatiladi. Tajriba o’tkazishdan avval gazlarning tozaligi sinab ko’riladi. Agar tajriba portlash bilan boradigan bo’lsa, u haqida o’quvchilar avvaldan ogohlantiriladi . Laboratoriya darslarida shaxsiy xavfsizlik vositalari ( himoya ko’zoynaklari, xalat, rezina qo’lqoplar, protivogaz ) dan foydalaniladi. Sochni o’rab olgan holda tajriba o’tkaziladi.

Ishonchlilik. O’tkazilgan tajribaning samarali chiqishiga erishish lozim. Aks holda o’qituvchularda ishonchsizlik paydo bo’ladi. Laboratoriya darsida tajribalarni o’tkazish texnikasi , tajriba vaqti , tajribaning optimal sharoitini belgilash , qo’shiladigan reaktiv va eritmalarning miqdorini , tajriba o’tkazish jarayonini aniqlash uchun tajribani darsgacha o’qituvchi o’tkazib ko’rishi kerak . Agar tajriba chiqmay qolsa, qayta ko’rsatiladi.