23-Variant Ўзбекистон Республикасида давлат бюджети тақсимоти ва солиқ сиёсати

Пенсия таъминоти
Ягона ижтимоий тўлов ставкаси пасайтирилиши ҳамда фуқароларнинг суғурта бадаллари ва мажбурий ажратмалар бекор қилиниши муносабати билан юзага келадиган бюджетдан ташқари Пенсия жамғармасининг тақчиллигини қоплаш учун 4,7 млрд. сўм миқдоридаги маблағлар 2019 йилги бюджет параметрларида назарда тутилган.
2019 йилда вазирлар Маҳкамасининг заҳира жамғармасига 908,6 млрд. сўм йўналтирилади, бу эса 2018 йилдагига нисбатан 73,7 фоизга кўпроқдир.



БЮДЖЕТ ВА СОЛИҚ СОҲАСИДАГИ АСОСИЙ ТУШУНЧАЛАР:


Қорақалпоғистон Республикаси бюджети – Қорақалпоғистон Республикаси пул маблағлари жамғармасини ташкил этувчи Давлат бюджетининг бир қисми ҳисобланиб, молия йили мобайнида даромад манбалари ва миқдорларини ҳамда харажатлар йўналишлари ва миқдорларини назарда тутади.
Бюджет таснифи – бу барча даражалардаги бюджетларнинг даромадлари ва харажатларини, унингдек, бюджет тақчиллигини молиялаштириш манбаларини ва давлат қарзи турларини бир хил турдаги белгилар бўйича гуруҳларга бўлиниши.
Бюджет тизими бюджетлари – Ўзбекистон Республикаси Давлат бюджети, давлат мақсадли жамғармалари бюджетлари ва бюджет ташкилотларининг бюджетдан ташқари жамғармалари.
Бюджет ташкилоти – Давлат бюджети маблағлари ҳисобидан сақлаб туриладиган, давлат функцияларини амалга ошириш учун белгиланган тартибда давлат ҳокимияти органларининг қарорига кўра ташкил этилган нотижорат ташкилотдир.
Бюджетдан ажратиладиган маблағлар – Ўзбекистон Республикасининг Давлат бюджети ва давлат мақсадли жамғармалари бюджетларидан бюджет ташкилотлари ҳамда бюджетдан маблағ олувчилар учун назарда тутиладиган пул маблағларидир.
Ялпи ички маҳсулот – бу мамлакат ҳудудида бир йил давомида ишлаб чиқарилган барча тайёр маҳсулотлар ва хизматларнинг умумий бозор қиймати.
Давлат томонидан маблағ жалб қилиш – активларни жалб этлиши ва бунинг натижасида Ўзбекистон Республикасининг қарз олувчи сифатидаги ёки қарз олувчи-резидентларнинг кредитларини (қарзларини) тўлашга кафил сифатидаги мажбуриятлари юзага келишидир.