2022-yilda O’zbekiston Respublikasi soliq siyosati

Yer solig‘i

• Yuridik shaxslardan olinadigan qishloq xo‘jaligiga mo‘ljallanmagan yer solig‘ining bazaviy stavkalari o‘rtacha 1,07 baravarga indeksatsiya qilinmoqda;
• Yuridik shaxslardan olinadigan qishloq xo‘jaligiga mo‘ljallanmagan yer solig‘i stavkalariga qo‘llaniladigan pasaytiruvchi 0,25 koeffitsiyent 0,3 etib belgilanmoqda;
• Jismoniy shaxslardan olinadigan yer solig‘i stavkalari o‘rtacha 1,07 baravarga indeksatsiya qilinmoqda;
• Qishloq xo‘jaligi korxonalari yer solig‘i qishloq xo‘jaligi ekinzorlarining normativ qiymatiga nisbatan belgilangan 0,95% soliq stavkasi saqlab qolinmoqda.

Ijtimoiy soliq. Aylanmadan olinadigan soliq

• Ijtimoiy soliq stavkasi budjet tashkilotlari uchun 25%, boshqa soliq to‘lovchilar uchun 12% miqdorida saqlab qolinmoqda.
• Aylanmadan olinadigan soliqning bazaviy stavkalari 2021-yil darajasida (4%) saqlab qolinmoqda.
• Ushbu soliq turi bo‘yicha 2021-yilda 1 758 mlrd so‘m (YAIMga nisbatan 0,2%) tushum kutilayotganligi hisob-kitob qilinib, tasdiqlangan 2 160 mlrd so‘mlik prognozga nisbatan 402 mlrd so‘m kam mablag‘ tushishi kutilmoqda. Budjetnomaga muvofiq aylanmadan olinadigan soliq bo‘yicha 2022-yil uchun joriy yilda kutilayotgan tushumga nisbatan 1,5 barobarga oshgan holda 2 728 mlrd so‘m (YAIMga nisbatan 0,3%) tushum prognoz qilingan.