2022 yil – “Inson qadrini ulug‘lash va faol mahalla yili” O‘zbekiston respublikasi konstitutsiyasi

MUSTAQIL DAVLAT - (arabcha “mustaqil” – qaram emas, erkin) – davlatning asosiy shakli.
SUVERENITET - mustaqillik, oliy hokimiyat
DEMOKRATIYA - (yunon tilidan olingan bo‘lib “demos” - xalq, “kratos” - hokimiyat) – “xalq hokimiyati” ma’nosini anglatadi.
PARLAMENT - “Rasmiy so‘zlashish joyi, notiqlik koshonasi” degan maьnoni anglatib – Davlatning Qonun chiqaruvchi oliy organi hisoblanadi.
XALIFALIK – islomiy davlat tizimi bo‘lib, VII asrda Arabiston yarim orolida vujudga kelgan. Arabcha «o‘rinbosar» degan ma’noni anglatgan xalifa davlatning diniy va siyosiy yagona rahbari hisoblangan.
AQIDAPARASTLIK (aqida - arabcha – ishonch) muayyan sharoitda, biron-bir g‘oya yoki tamoyilga qat’iy ishonch va uni mutlaqlashtirish asosida shakllangan qoida va tartiblarni hamda ularni sharoit, holat, vaziyatni hisobga olmagan holda, ko‘r-ko‘rona qo‘llash va urinishni anglatadi. U muayyan qonun va qoidalar ta’sir doirasini sun’iy ravishda kengaytirishga urinishda yorqin namoyon bo‘ladi.
EKSTREMIZM (lotincha «yextremus» - keskin, so‘nggi) ostida muayyan jamiyatda qabul qilingan qonun-qoidalarga zid bo‘lgan g‘oyalarni targ‘ib va amal qilish tushuniladi.
TERRORIZM – qo‘rqitish va zo‘ravonlik ishlatishni anglatuvchi ijtimoiy fenomendir. Siyosiy terrorizm muayyan ijtimoiy guruh manfaatlari yo‘lida zo‘ravonlik (suiqasd, portlatish, garovga olish, beqarorlik keltirib chiqarish, aholining keng qatlamlarida vahima, qo‘rquv uyg‘otish va h.k.) ishlatish bilan bog‘liq.
MISSIONERLIK - bir dinga e’tiqod qiluvchi xalqlar orasida boshqa bir dinni targ‘ib qilish.
VAHHOBIYLAR hukumatni qo‘lga olishda ochiq kurash, ekstremizm, terror yo‘lini tutsalar, «hizbchilar» g‘oyaviy, mafkuraviy kurash uslubini qo‘llaydilar.
SHOVINIZM - shaddiy millatchilik, milliy ustunlik g‘oyasi va siyosatining ifodasi.
KORRUPSIYA - (lot. «corruptio» – poraga sotilish, aynish, tanazzul) – mansabdor shaxsning boyish maqsadida o‘z mansabi bilan bog‘liq huquqlarini suisteьmol qilishdan iborat jinoyati.