2021, Maxsus son “pedagogik mahorat” ilmiy-nazariy va metodik jurnal issn 2181-6883

“Kichik guruhlarda ishlash” metodi 
Kichik guruhlarda ishlash - oʻqituvchi tomonidan berilgan ma’lum bir topshiriqni hamkorlikda bajarish 
uchun oʻquvchilarni kichik guruhlarga ajratib, berilgan topshiriqning yechish yoʻllarini ishlab chiqishni taqozo 
etuvchi metod. Ushbu metod qoʻllanilganda oʻquvchi kichik guruhlarda ishlab, darsda faol ishtirok etish 
huquqiga, boshlovchi rolida boʻlishga, bir-biridan oʻrganishga va turli nuqtayi nazarlarni qadrlash imkoniga 
ega boʻladi. Kichik guruhlarda ishlash metodi qoʻllanilganda oʻqituvchi boshqa noan’anaviy metodlarga 
qaraganda vaqtni tejash imkoniyatiga ega boʻladi. Chunki oʻqituvchi bir vaqtning oʻzida barcha oʻquvchilarni 
mavzuga jalb eta oladi va baholay oladi.
“Kichik guruhlarda ishlash” metodining afzalligi: 
•
oʻqitish mazmunini yaxshi oʻzlashtirishga olib keladi; 
•
muloqotga kirishish koʻnikmasining takomillashishiga olib keladi; 
•
vaqtni tejash imkoniyati mavjud; 
•
barcha oʻquvchilar jalb etiladi; 
•
oʻz-oʻzini va guruhlararo baholash imkoniyati mavjud boʻladi. 
“Kichik guruhlarda ishlash” metodining kamchiliklari:
•
kuchsiz oʻquvchilar boʻlganligi sababli kuchli oʻquvchilarning ham past baho olish ehtimoli bor; 
•
barcha oʻquvchilarni nazorat qilish imkoniyati past boʻladi;
•
guruhlararo oʻzaro salbiy raqobatlar paydo boʻlib qolishi mumkin. 
•
guruh ichida oʻzaro nizo paydo boʻlishi mumkin. 
“Kichik guruhlarda ishlash” metodini
qoʻllash bosqichlari:
Faoliyat yoʻnalishi aniqlanadi. Muammodan bir-biriga bogliq boʻlgan masalalar belgilanadi. Kichik 
guruhlar belgilanadi. Oʻquvchilar guruhlarga 3-5 kishidan oʻlinishlari mumkin. Kichik guruhlar topshiriqni 
bajarishga kirishadilar. 
Oʻqituvchi tomonidan aniq koʻrsatmalar beriladi va oʻqituvchi tomonidan yoʻnaltirib turiladi. Kichik 
guruhlar taqdimot qiladilar. Bajarilgan topshiriqlar muhokama va tahlil qilinadi. Kichik guruhlar baholanadi.