2021, Maxsus son “pedagogik mahorat” ilmiy-nazariy va metodik jurnal issn 2181-6883

2021, Maxsus son “PEDAGOGIK MAHORAT” ILMIY-NAZARIY VA METODIK JURNAL
121 
bunday boʻlishining sabablaridan biri, shu vaqtgacha an’anaviy ta’limda oʻquvchilarni faqat tayyor bilimlarni 
egallashga oʻrgatilgan. Zamonaviy texnologiyalarda esa, ularni egallayotgan bilimlarini oʻzlari qidirib 
topishlariga, mustaqil oʻrganib tahlil qilishlariga, hatto xulosalarni oʻzlari keltirib chiqarishlariga oʻrgatadi.
Pedagog bu jarayonga shaxsning rivojlanishi, shakllanishi, bilim olish va tarbiyalanishiga sharoit 
yaratadi va, shu bilan bir qatorda, boshqaruvchilik, yoʻnaltiruvchilik funksiyasini bajaradi, bunda, ta’lim 
jarayonida oʻquvchi asosiy figuraga aylanadi. Shuning uchun oʻquv yurtlarida malakali kasb egalarini 
tayyorlashda zamonaviy oʻqitish metodlari - interaktiv metodlar, innovatsion texnologiyalarning oʻrni va roli 
benihoya katta. Bunda pedagogik texnologiya va pedagogning mahoratiga oid bilim, tajriba va interaktiv 
metodlar oʻquvchilarni bilimli, yetuk malakaga ega boʻlishlarini ta’minlaydi. Innovatsion texnologiyalar 
pedagogik jarayon, hamda oʻqituvchi va oʻquvchi faoliyatiga yangilik, oʻzgarishlar kiritish boʻlib, uni amalga 
oshirishda asosan interaktiv metodlardan toʻliq foydalaniladi.
Interaktiv metodlar - bu jamoa boʻlib fikrlashdan iborat deb yuritiladi, ya’ni pedagogik ta’sir etish 
usullari boʻlib, ta’lim mazmunining tarkibiy qismi hisoblanadi. Bu metodlarning oʻziga xosligi shundaki, ular 
faqat pedagog va oʻquvchilarning birgalikda faoliyat koʻrsatishi orqali amalga oshiriladi. Bunday pedagogik 
hamkorlik jarayoni oʻziga xos xususiyatlarga ega boʻlib, ularga quyidagilar kiradi: 
- oʻquvchining dars davomida befarq boʻlmaslikka, mustaqil fikrlash, ijod etish va izlanishga majbur 
etishi; 
- oʻquvchilarni oʻquv jarayonida bilimga boʻlgan qiziqishlarini doimiy ravishda boʻlishini ta’minlashi; 
- oʻquvchining bilimga boʻlgan qiziqishini mustaqil ravishda har bir masalaga ijodiy yondashgan holda 
kuchaytirishi; 
- pedagog va oʻquvchining hamisha hamkorlikdagi faoliyatini tashkillanishi.