2019 O’zbekiston respublikasi oliy va o’rta maxsus ta’lim vazirligi termiz davlat universiteti

3-ilova .Mustaqil ishlarni tekshirish; Talabalarning uyda mustaqil tarzda turli badiiy asarlardan olib kelgan mavzuga oid gaplari tahlil qilinadi. Javoblarning to’g’riligi talabalar tomonidan kuzatilib, tegishli o’rinlarda tuzatishlar kiritilib boriladi.
4-ilova Test topshiriqlari

1 –ma bo’lishsizlik shakli qo’shimchasi ko’makchi fe’lli so’z qo’shilmalariga qanday qo’shiladi?

A) ko’makchi fe’l tarkibida bo’ladi

V) yetakchi fe’l tarkibida bo’ladi

S) ba’zan yetakchi fe’lga, ba’zan ko’makchi fe’lga qo’shiladi D) ham yetakchi, ham ko’makchi fe’lga qo’shiladi Ye) barchasi to’g’ri.

2 Sifatdoshning takroriy shakli qaysi qatorda berilgan?

A) O’ktam yura-yura keng maydonga chiqdi. V) SHuncha urinib unutolmaganim endi birdaniga o’zidan-o’zi ko’ngildan chiqdi-ketdi.S) “hozirgi yoshlar qariyalarni kuydirgani-kuydirgan”, deb oh chekdi. D) Temirchi degan kuyib-kuyib temirchi bo’ladida. Ye) Maqtanganning uyini ko’r, kerilganning to’yini ko’r.

3 Tuslanmaydigan ravishdoshlar qaysi qatorda berilgan?

A) barcha ravishdoshlar tuslanadi. V) o’qib, yozib S) o’qiy, yoza D) o’qigani, yozgani Ye) ravishdosh fe’lning tuslanmaydigan shakli hisoblanadi.

4 Gap bilan ovora bo’lib, kechikib ham qolibman. Ushbu gapdagi qolibman so’zi qaysi qatorda to’g’ri izohlangan?

A) mustaqil fe’l V) qo’shma fe’lning tarkibiy qismi S) bog’lama D) qo’shma so’z hosil qiluvchi qism Ye) ko’makchi fe’l.

5 Ko’makchi fe’lli so’z qo’shilmalarida quyidagi qo’shimchalardan qaysi biri ba’zan yetakchi, ba’zan ko’makchi fe’lga qo’shilishi mumkin? 1. SHaxs-son qo’shimchalari 2. Zamon ko’rsatkichlari 3. Ko’plik qo’shimchasi 4. Nisbat ko’rsatkichi.

A) 1,2 V) 3,4 S) 3 D) 4 Ye) 1,2,3,4

6 Quyidagi qo’shimchalardan qaysi biri sifatdoshning bo’lishsizlik shaklini hosil qiladi?

A) -maslik V) -mayin S) -mas D) -may, -masdan Ye) sifatdoshning bo’lishsiz shaklini hosil qiluvchi qo’shimcha berilmagan

7 Qaysi gap tarkibida o’tirmoq fe’li yetakchi (mustaqil) fe’l hisoblanadi?

A) Hafiza iymanibgina mehmonlar uchun tayyorlangan so’riga chiqib o’tirdi.

V) Yigit bosh ko’tarmay ishlab o’tiribdi. S) Aqlli bo’lsang, shunaqa gaplarni gapirib o’tirarmiding?

D) Men sodda uning gapiga ishonib o’tiribman. Ye) barchasida o’tirmoq so’zi yetakchi fe’l vazifasida qo’llangan.

8 Ko’makchi fe’lli so’z qo’shilmasi berilgan qatorni toping.

A) yordam bermoq V) sotib olmoq

S) kasal bo’lmoq D) bayon qilmoq

E) yozib bermoq.

9 Qaysi qatordagi birikuv ko’makchi fe’lli so’z qo’shilmasi hisoblan-maydi?

A) yozdi-oldi V) qiynalibroq qoldi

S) qarab-qarab qo’ydi

D) qo’llab-quvvatlab kelmoq

E) javob bermoq.

10 Gap bilan ovora bo’lib, kechikib ham qolibman. Ushbu gapdagi fe’llar qaysi qatorda to’g’ri izohlangan?

A) bo’lib, kechikib qolibman – mustaqil sodda fe’llar V) ovora bo’lib – qo’shma fe’l; kechikib ham qolibman – ko’makchi fe’lli so’z qo’shilmasi S) ovora bo’lib – qo’shma fe’l; qolibman – mustaqil so’z D) bo’lib – mustaqil fe’l; qolibman – mustaqil fe’l Ye) ovora bo’lib – ko’makchi fe’lli so’z qo’shilmasi; kechikib, qolib – mustaqil fe’llar.

Mashg’ulotni yakunlash.O’qituvchi mashg’ulotning qanday darajada amalga oshirilganligini talabalarga ma’lum qiladi, ularni rag’batlantiradi va to’plagan ballarini izohlab eshittiradi. Keyingi mashg’ulotda qilinadigan ishlar (vazifalar)xususida o’z mulohazalarini bayon qiladi.