2019 O’zbekiston respublikasi oliy va o’rta maxsus ta’lim vazirligi termiz davlat universiteti

213-машқ. Ўқинг, фeълларни топиб, қандай сўроққа жавоб бўлиши ва маъносини изоҳланг; гапдаги вазифасини айтинг. Кесим вазифасидаги феълни эга билан бирга кўчиринг.

Комила ўртоғининг хонасига кириб, ҳар нарсага зўр қизиқиш билан қаради. Тўшак устида кенг, қордай чойшаб ташланган, содда темир каравот олдидаги янги дубдан ясалган этажеркада тахт-тахт китоблар, кўчага қараган қўш деразадан бирининг олдида қора-қизил ёғочдаи ясалган силлиқ ва ихчам стол. Бунинг устида оддий ва қалин дафтарлар ҳам ўзга ёзув ашёлари мунтазам тартиб билап терилган. Одамзод аъзолариннг тузилишини кўрсатувчи карта деразалар ўртасидаги деворга кнопкалар билан ёпиштирилган. Бунга қарши яхлит деворга тиралган пианино қоп-қора ялтирайди. Эшик билан пианино ўртасида оддий, сарғиш фанер гардероб. Стол топ-тоза йилтирайди. Комила қўл тегизмай ҳамма нарсага бир-бир тикилиб, стулга ўтирди-да, бошини аста айлантириб, илжайиб яна томоша қилди. Уй дим эди. Комила хар икки деразани очди. Оқшом шабадаси дарров қизнинг юзларига ғир этиб урди. Йўлка бўйлаб, адл, ёш акациялар орасидан окқан ариқнинг шўхлиги эшитилди. Қаршидаги ҳовлидан, қуюқ, дарахтлар орасидан баян товуши ва “Парень молодой" қўшиғи янгради. Комила столга суяниб, ўткинчларни кўздан кечирди... (О.)