2019 O‘qish oxi

Bo‘lim  yuzasidan  takrorlash
1.  „Bolakaylarning  yuzlarida  quyosh  porlardi,
quyosh!  desam,  ularning  sevinchlarini  aniqroq
ifodalagan  bo‘laman“.  Bu  jumla  qaysi  hiko-
yada  uchraydi?
2.  Ko‘chalar  ta’rifi  qaysi  shoir  ijodida  uch-
raydi?
3.  „Oq  tumshuq“  hikoyasida  it  egasini  qan-
day  qutqarib  qoldi?
4.  „Chin  do‘st“  mavzusida  matn
tuzing.
http://eduportal.uz

---

198
YOZ  –  O‘TADI  SOZ
Yoz  zavqi
Ravshan  Isoqov
Yoz  boshqacha-da.  Nega  deysizmi?  Axir
o‘quvchilar  o‘quv  yilini  tugatib,  eng  katta  ta’-
tilga  chiqishadi-da.
Yozda  ertalabdanoq  quyosh  qizdira  boshlay-
di.  Kunlar  uzundan  uzun,  tunlar  bir  tutam  –
qisqa  bo‘ladi.  Bog‘larda  mevalar  pishadi.  Poliz-
lardagi  pishiqchilikni  aytmaysizmi?
Yoz  bizning  o‘lkamizda  issiq  bo‘lsa  ham,
nega  unda  bolalar  yozni  yoqtirishadi?  Chunki
ta’til  paytida  bolalar  go‘zal  tabiat  quchog‘ida
joylashgan  oromgohlarda,  tog‘  yonbag‘irlarida
http://eduportal.uz

---

199
miriqib  dam  olishib,  kuch-g‘ayratga  to‘lib,  sen-
tabrda  yana  maktabga  qaytishadi.
Yozda  yana  suvlar  iliq  bo‘ladi.  Bunday  suv-
larda,  ayniqsa,  tog‘lardan  oqayotgan  zilol,
muzdek  suvlarda  cho‘milish  maza-da!  Ko‘l  va
anhor  bo‘ylari,  cho‘milish  havzalari  sho‘x  va
shodon  bolalarning  beg‘ubor  qiyqiriqlariga  to‘lib
ketadi.  Istirohat  bog‘lari  har  qachongidan
gavjum  bo‘ladi.  Turli  atraksionlarda  uchib,
muzqaymoq  yeyishga  nima  yetsin.
Yoz  oqshomlarida  hech  osmonga  qaragan-
misiz?  Yulduzlarning  ko‘pligini...
Bunday  tunda  hovlida,  ariqchadan  shildirab
oqayotgan  suvning  qo‘shig‘iga  quloq  tutib,  xa-
yol  surib  yotish,  shirin  orzularga  berilish  qan-
day  maza-ya!
1.  Bolalar  yozni  nima  uchun  sevishadi?
2.  Siz  yozgi  ta’tilni  qanday  o‘tkazmoqchisiz?