2019 O‘qish oxi

Vatan  himoyachisi
Shukrullo  Abdullayev
(Hikoya)
Maktabgacha  ta’lim  muassasasi  bolajonlar-
ning  qiy-chuvi  bilan  gavjum.  Tarbiyachi  Donoxon
opa  jajjilar  bilan  qiziqarli  bir  ertakni  sahna-
lashtirish  maqsadida  bolajonlarga  murojaat  qil-
moqda:
–  Bolajonlar,  hozir  biz  bo‘ri,  fil,  to‘tiqush  ro-
lini  o‘ynaydigan  bolalar  va  qizlarni  tanlab  oldik.
http://eduportal.uz

---

108
Endi  tulki  roli  uchun  qatnashchilarni  tanlasak
bo‘ldi.  Xo‘sh,  Jasurbek,  sen  ham  rollarni  yaxshi
o‘ynaysan.  Kel,  tulki  rolini  o‘ynay  qol.
– Yo‘q,  –  deya  e’tiroz  bildirdi  Jasurbek  shu
zahotiyoq.
– Nega?  –  ajablanib  so‘radi  tarbiyachi  bo-
ladan.
– Chunki  tulki  yolg‘onchi,  qo‘rqoq.  Men  uning
rolini  o‘ynamayman.
– Axir  bu  ertak-ku,  kel,  shu  safar  Tulki
bo‘la  qol,  –  iltimos  qildi  bog‘cha  opasi  Jasur-
bekdan.  Bolakay  esa  „Yo‘q!“  –  deb  turib  oldi.
–  Unda  qaysi  jonzotning  rolini  o‘ynaysan?  –
qiziqishi  ortib  so‘radi  tarbiyachi  yana.
–  Men,  –  dedi  o‘rnidan  turib  Jasurbek  o‘z
ismiga  xos  jasurlik  va  qat’iyat  bilan,  –  qo‘rqmas,
dovyurak,  o‘rmondagi  jonzotlarni  himoya  qiladigan
Sher  bo‘laman,  –  dedi.
Shunday  qilib,  spektakl  juda  ham  qiziqarli
sahnalashtirildi.  Uni  tomosha  qilgan  ota-onalar,
tarbiyachilar  va  mehmonlar  rosa  xursand  bo‘-
lishdi.
Bundan  Jasurbekning  ham  ko‘ngli  ko‘tarildi.
Chunki  u  sher  vazifasini  qoyilmaqom  qilib  ba-
jardi.  O‘rmonga  begonalarni  kiritmadi.  Bo‘ri  bilan
olishib,  uni  yengdi.  Barcha  sherlarni  birlashtirib,
Fildan  ham  zo‘r  chiqdi.  Aldoqchi  Tulkining  ga-
piga  ishonmadi.  Yolg‘onchiligini  fosh  qildi.
http://eduportal.uz

---

109
Oradan  yillar  o‘tdi.  Jasurbek  oliy  harbiy  bi-
lim  yurtida  a’lo  baholarga  o‘qidi.  Sport  bilan
muntazam  shug‘ullanib,  karate  bo‘yicha  jahon
chempioni  bo‘ldi.  Oliy  qo‘mondonlik  akademi-
yasida  ham  tahsil  oldi.
Hozirda  Jasurbek  –  general.  Armiyaga  qo‘-
mondonlik  qiladi.  Uning  rahbarligidagi  minglab
askar  va  zobitlar  Vatanimiz  chegaralarini  qo‘-
riqlaydi.  U  o‘z  yurtini  sevuvchi  sheryurak  inson.
Vatani  uchun  jonini  berishga  ham  tayyor.
1.  Tarbiyachi  Jasurbekdan  nimani  so‘radi?
2.  Jasurbekning  javobidan  nimani  tushundingiz?
3.  Siz  katta  bo‘lganingizda  kim  bo‘lmoqchisiz?
Bir  yigit  –  bir  elga  rizq.