“2013-2017 йиллар даврида суғориладиган ерларнинг мелиоратив ҳолатини янада яхшилаш ва сув ресурсларидан оқилона фойдаланиш чора-тадбирлари тўғрисида”

2 Умумий қисм.


2.1 Хўжаликнинг жойлашган ўрни ва рельефи.
“Қуйи Сирдарё”ИТХБ,Сирдарё вилояти Гулистон тумани “Файзли Турон замини” фермер хўжалиги ерлари А. Икромов СИУ худудининг шимолий–шарқ қисмида жойлашган. А. Икромов СИУ да 18 та фермер хўжалиги жойлашган булиб, уларнинг умумий ер майдони 1705 га ни ташкил қилади, “Шўрўзак –Сирдарё”ирригация тизими бошкармасига карашли бўлиб, умумий ер майдони 109,6 га.ни ташкил қилади. Суғориладиган ерларнинг юзаси текис, рельефи қулай, ўртача нишаблиги i_ЎР=0.002 га тенг.


2.2 Иқлими.
Иқлим шароити кескин континентал ва қуруқ. Иссиқлик ва ёруғлик миқдори жуда мўл. Энг совуқ ой-январь. Бу ойдаги ўртача ҳаво харорати метеорологик станция маълумотларига кўра 1.7 ⁰С ни ташкил қилади. Энг минимал ҳаво харорати -27 ⁰С. Ёзи иссиқ ва қуруқ. Энг иссиқ ой –июль. Ўртача ҳаво харорати бу ойда -27.4 ⁰С ни ташкил қилади. Максимум ҳаво харорати +42.4 ⁰С га тенг. Йиллик ўртача ҳаво харорати +14.7 ⁰С ни ташкил этади. Йиллик ёғингарчилик миқдори ўртача 355 мм га тенг. Ёғингарчиликнинг кўп миқдори қиш ва баҳор ойларида ёғади. Энг юқори ёғингарчилик март ойида кузатилади ва миқдори 81 мм ни ташкил қилади. Қиш мавсумида қорли кунлар ўртача 34-38 кунни , қор қалинлиги эса 8-12 см ни ташкил қилади. Тупроқ музлаш қалинлиги 25-35 см га тенг. Шамолнинг ўртача тезлиги 2-3 м/с бўлиб, асосан ғарб ва шимолий ғарб йўналишида эсади. Буғланишнинг ўртача миқдори йилига 850-1000 мм га тенг. Буғланишнинг ўртача ойлик максимал миқдори 250-260 мм ни ташкил қилади ва июль – август ойларида кузатилади.
2.2.1-жадвал. Сирдарё вилояти метеоролигик станцияси маълумотномаси.

Ойлар	Ҳаво харорати, С^0	Ҳавонинг нисбий намлиги ,%	Намгарчилик, %	Ёғингарчилик, мм
I	1,1	63	2.0	47
II	1,4	61	3.0	40
III	7,8	55	4.0	78
IV	11,7	48	8.0	48
V	20,2	42	12.6	29
VI	24,7	35	20	12
VII	27,4	33	23.3	4.0
VIII	24,9	32	20.3	1.0
IХ	19,2	33	13.7	23
Х	12,6	40	5.0	23
ХI	6,6	53	4.0	48
ХII	1,3	68	2.3	47
Ўртача ойлик	13,3	46.9	9.9
Умумий йиллик				380

2.3 Тупроқлари ва унинг сув физик хоссалари.
Хўжалик ерлари тупроқлари асосан бўз ўтлоқи ва ботқоқли –ўтлоқ тупроқлардан ташкил топган.
Тупроқ қатламлари кучсиз шўрланган,қаттиқ қолдиқ миқдори 0.07-0.1 гр га тенг. Тупроқ ғоваклиги 40-45% ни, устки хайдаладиган қатламда чиринди миқдори 1,1 – 3.3 % ни, бонитети 40-45 баллни ташкил қилади. Тупроқлари жигар рангда бўлиб, енгил ва ўртача, оғир механик таркибга эга. Солиштирма оғирлиги 2.61-2.72 т/м³, ҳажм оғирлиги 1.4-1.65 т/м³ ни ташкил қилади. Максимал молекуляр нам сиғими 2.7 % дан 2.3 % гача ўзгаради.