20-мавзу: Ўзбекистонда халқаро туризмни ривожлантириш маъруза машғулоти режаси

20-МАВЗУ: ЎЗБЕКИСТОНДА ХАЛҚАРО ТУРИЗМНИ РИВОЖЛАНТИРИШ


МАЪРУЗА МАШҒУЛОТИ РЕЖАСИ:

20.1. Халқаро туризм ва унинг ривожланиши

20.2. Ўзбекистонда халқаро туризм ривожланишининг иқтисодий асослари
20.3. Халқаро туризм ривожланишининг долзарб йўналишлари
20.4. Ўзбекистонда халқаро туризм ривожланишининг истиқболлари


Таянч сўз ва иборалар: халқаро туризм, «Буюк Ипак йўли», ярмаркалар, туристлар оқими, халқаро ва ички туризм бозорлари.
20.1. Халқаро туризм ва унинг ривожланиши

Халқаро туризм — туристларнинг бир давлатдан иккинчи ёки бир неча давлатга бориб келишини ифодалайди, айрим давлатларда фақат туристларнинг келиши ҳисобланса, бошқалари келган ва кетаётган резидентларни ҳам қўшиб ҳисоблайди. Халқаро туристлар давлат учун даромад келтирадиган туристлар ҳисобланади. Туристлар бир давлатдан иккинчи давлатга бориш сони билан ўлчаниб, резидентлар давлат ичидаги саёҳатчилар билан фарқ қилинади. Масалан, халқаро туризмда қатнашган туристлар сони бошқа давлатга ўзимиздан кетган туристларга тенг. Халқаро туризм қанча яхши ривожланса шунчалик давлатга кўпроқ валюта тушуми бўлади.

Халқаро туристлар — жаҳон туристик жамиятининг тавсиясига кўра халқаро туристлар сони бошқа давлатлардан келган туристларга бошқа давлатларга борган ўз резидент туристларни қўшиш билан аниқлаш лозим. Лекин кўпчилик давлатларда бошқа давлатлардан келган туристлар сони билангина аниқлашади. Бу албатта тўғри, чунки даромад келтирган туристлар бошқа давлатлардан келган туристлар ҳисобланади.
Сўнгги йилларда халқаро туризмнинг ривожланиш кўрсаткичлари бу соҳанинг турли мамлакатлар иқтисодиётининг етакчи тармоғига айланиб бораётганлигини кўрсатмоқда. Айниқса ривожланаётган мамлакатлар ўз иқтисодий сиёсатларини ишлаб чиқишда халқаро туризмга устивор соҳа сифатида алоҳида аҳамият қаратишмоқда.
Шу боис дунё бўйича халқаро туризмнинг ривожланиш тенденцияларини БМТ БТТ маълумотлари асосида ўрганиш мақсадга мувофиқдир.