20-Laboratoriya ishi. Gipsakartonning o‘rtacha zichligini va egilishga bo‘lgan mustaxkamligini aniqlash. Gipsobetonning o‘rtacha zichligini va siqilishga bo‘lgan mustaxkamligini aniqlash. Gips va gipsbeton material xamda buyumlar

3. Gipsobetonning o‘rtacha zichligini va siqilishga bo‘lgan mustaxkamligini aniqlash.



Asbob va uskunalar: Gidravlik press. 70,7x70,7x70,7 mm o‘lchamdagi po‘lat qoliplar, tarozi. quritish javoni. po‘lat chizg‘ich, shtangensirkul.
Gipsbetonning o‘rtacha zichligi va siqilishga mustaxkamlik chegarasi quruq xoldagi kub namunalarni sinash orqali aniqlanadi. Gipsbeton buyumlar uchun tayyorlangan qorishmadan 70,7x70,7x70,7 mm o‘lchamdagi uch dona kub shaklidagi namunalar tayyorlanadi.
Kub namunalar qismlarga ajraladigan cho‘yan yoki po‘latdan tayyorlanadi; qolipning devorchalari etarli darajada qattiq, namuna tayyorlayotganda qiyshaymaydigan, shaklini o‘zgartirmaydigan, devorchalarining ichki yuzasi tegishlicha tekislangan, qismlari orasidan sement suti sizib chiqmaydigan darajada o‘zaro jips birikkan bo‘lishi lozim. Qolipning yig‘ilgan xoldagi o‘lchami mutlaqo o‘zgarmasligi, tomonlar uzunligining belgilangan o‘lchamdan chetga chiqishi 1% dan oshmasligi, to‘g‘ri burchaklik shaklidagi qolipning tomonlari orasidagi burchaklar to‘g‘ri bo‘lishi shart.
Beton qorishmani quyish oldidan qolipni qorishma qoldig‘idan tozalash, devorchalarining ichki yuzasini betonning kolipga yopishib turadigan tomonlarini, betonning qolipga yopishib qolishiga yo‘l qo‘ymaslik uchun surkov moyi , masalan, OЭ-2 moyi bilan moylash kerak.
Beton qorishmadan o‘rtacha namuna olingan paytdan xisoblaganda, qorishmani qolipga quyish va zichlash bir minutdan uzoqqa cho‘zilmasligi lozim.
Qorishmani qolip bilan birga qo‘l bilan titratiladi va qolipning yuzidan ortiqcha qorishma metall chizg‘ich bilan sidirib tashlanadi va yuzasi tekislanadi. Zichlash uchun tebranma maydoncha va sterjindan foydalanilmaydi.
Namunalar qolipda kamida bir soat saqlanadi, so‘ngra namunalar qolipdan chiqarib olinadi va tamg‘alanadi. Xarorati 20±2°S, namligi kamida 95% bo‘lgan kameraga joylanadi. Namunalar bu erda normal sharoitda qotadi. Kamerada stellajlarga namunalar balandlik bo‘yicha bir qator qilib tizilishi va oralari ochiq qoldirilishi kerak.

Qolipga quyilgan qorishma SHtangensirkul chuquro‘lchagich bilan. 1 – shtanga; 2 – gubkalar; 3 – ramka; 4 – vint; 5 – nonius; 6 – chuquro‘lchagich