20-Laboratoriya ishi. Gipsakartonning o‘rtacha zichligini va egilishga bo‘lgan mustaxkamligini aniqlash. Gipsobetonning o‘rtacha zichligini va siqilishga bo‘lgan mustaxkamligini aniqlash. Gips va gipsbeton material xamda buyumlar

20-Laboratoriya ishi.
Gipsakartonning o‘rtacha zichligini va egilishga bo‘lgan mustaxkamligini aniqlash. Gipsobetonning o‘rtacha zichligini va siqilishga bo‘lgan mustaxkamligini aniqlash.
Gips va gipsbeton material xamda buyumlar.
Umumiy ma’lumotlar: Gips buyumlar gips xamiridan tayyorlanadi. Buyumlar xossalarini yaxshilash uchun gips xamiriga mayda tuyilgan mineral yoki organik to‘ldirgichlardan ozgina miqdorda qo‘shiladi.
Gipsbetonlar – gipsli, angidritli va gips-sement-putstsolanli bog‘lovchilar (GSPV) asosida tayyorlangan pishirilmagan sun’iy tosh material va buyumlardir. Gipsbeton uchun gips va suvdan tashqari g‘ovakli to‘ldirgichlar-mineral (yoqilg‘i va domna shlaklari, chig‘onoqtosh va boshqalar) va organik (qipiq, maydalangan poxol, qamish va boshqalar) to‘ldirgichlar ishlatiladi.


G ips va gipsbeton buyumlar o‘rtacha zichligi nisbatan katta bo‘lmagan xolda etarli darajada mustaxkamlikka, past issiqlik o‘tkazuvchanlikka va yuqori tovush ximoyalash xossalariga ega bo‘ladi. Bundan tashqari ular texnik usulda yaxshi ishlanadi va oson bo‘yaladi. Lekin ko‘rib o‘tilayotgan buyumlarning suvga chidamliligi past bo‘ladi, lekin GSPV asosida tayyorlangan materiallarning suvga chidamliligi yuqori bo‘ladi.
Qurilishda gips va gipsbeton buyumlarining etarli darajada keng nomenklaturasi ishlatiladi; gipsokarton listlar, to‘siqlar uchun plita va panellar, pol asosi uchun panellar va boshqalar.
Gipskarton listlar mineral yoki organik qo‘shilmalar qo‘shib (yoki ularsiz) qurilish gipsidan tayyorlanadigan va ikkala yuzasi karton bilan elimlangan pardozlash list materialidan iborat
1. Gipskarton listning o‘rtacha zichligini aniqlash
Sinash uchun 3 dona gipskarton list tanlab olinadi va xar biridan 450X150 mm o‘lchamdagi ikki dona namuna kesib olinadi.
Asbob va uskunalar: tarozi, metal ruletka, shtangensirkul. po‘lat chizg‘ich.