20 kunda ota-onalarga ilhomlantiruvchi tavsiyalar

12- KUN

 

“AYBDOR ONA” HISSI

QANCHALIK FOYDALI?

 

Men  onalardan  "Bu  holatda  o’zimni  yomon  his  qilyapman"  yoki  "Men  o’zimni  juda

aybdor  his  qilyapman"  kabi  afsuslanishlarni  tez-tez  eshitaman.  Onada  aybdorlik  hissi

bor  narsa.  Va  agarda  unga  qarshi  biron  chora  ko’rilmasa,  bu  insonning  o’z-o’zini  yeb

bitirishi, shikastlashi va ruhan charchatishiga olib keladi. Onadagi aybdorlik hissi aslida

o’zidan  shubhalanish,  ko’ngli  to’lmaslik,  bezovtalik,  noaniqlik  kabi  tuyg’ularning

qorishmasidir. Ko’pchiligimiz bu holat bilan tanishmiz - bunday his-tuyg’ular miyamizni

qamrab,  unga  o’rnashib  oladi.  Chunki,  biz  o’zimizni  muvaffaqiyatsizlikka

uchrayotgandek  va  jamiyat  belgilab  bergan  "yaxshi  ona"  degan  nomga  erishishdan

ortda qolayotgandek sezamiz.

---

Buning  ko’plab  ko’rinishlari  bor  -  "ishlaydigan  onaning  aybi",  "baqiradigan  onaning

aybi"  yoki  "kaltaklaydigan  onaning  aybi”.  Xullas,  har  turini  topishingiz  mumkin.  Endi,

farzandlariga  uyda  ta’lim  beradigan  onaning  ulushi  qanday  bo’ladi  bu  xususda?

Bolasining akademik ta’limi mas’uliyatini 100% o’z zimmasiga olgan ona bu aybdorlik

hissini  bir  necha  bora  ko’proq  his  qiladi:  -  Men  buni  to’g’ri  qilyapmanmi?  Men

bolamning  bu  yoshda  o’rganishi  kerak  bo’lgan  hamma  narsani  o’rgatayapmanmi?

Juda  oshirib  yubormayapmanmi?  Yoki,  kamlik  qilyaptimikin  o’rgatayotganlarim?

Bolam akademik jihatdan kerakli  bo’lgan darajadami yoki undan pastdami? 

Har  bir  oilaning  sharoitiga  va  bolalarning  temperamentiga  qarab,  onadagi  aybdorlik

hissi  o’ziga  xos  ko’rinishda  shakllanishi  mumkin.  Keyingi  bir  necha  kunlikda  men

onaning aybdorlik hissi va uni qanday yengib o’tish haqida yozaman.