20. Амалий машғулот сифат менежменти тизими ички аудити

7 Номувофиқликлар градацияси
Ташқи аудитда номувофиқликлар «Аҳамиятга эга» ва «кам аҳамиятли» ларга бўлинади. Баъзан «Ўта жиддий» номувофиқлик тушунчаси қўлланилади. У ёки бу даражадаги номувофикликлар миқдоридан келиб чиққан ҳолда, умуман сифат тизимини стандарт талабларига мувофиқлиги тўғрисида қарор қабул қилинади.
Аҳамиятга эга номувофиқликларга мисоллар:

• 
  ташкилот раҳбарияти томонидан сифат тизимини таҳлили ўтказилмайди;
  
• 
  сифат тизими жараёнлари ресурслар билан таъминланмайди;
  
• 
  тўғриловчи амалларни натижавийлиги таҳлили бажарилмайди;
  
• 
  сифатга таъсир килувчи ўлчов воситаларининг асосий қисми қиёсловдан ўтказилмайди;
  
• 
  ишлаб чиқилиши, юритилиши мажбурий бўлган ҳужжатлаштирилган процедура мавжуд эмас;
  
• 
  ишлаб чиқариш жараёнини назорат қилинадиган шароитлари мавжуд эмас.
  

Кам аҳамиятли номувофиқликларга мисоллар:

• 
  баъзи тўғриловчи амалларга графикка мувофиқ тугалланмаган;
  
• 
  қиёсланмаган ўлчов воситаси борлиги аниқланган (ягона ҳолат);
  
• 
  олиб борилиши мажбурий бўлган ёзувларнинг йуклиги аниқланган.
  

Стандартни бир бандига тегишли бўлган бир нечта паст аҳамиятли номувофиқликларни аҳамиятга эга бир номувофиқлик сифатида қараш амалиёти мавжуд.
Ички аудитларда номувофиқликларни градацияси мажбурий эмас, лекин у ташкилотга муаммоларни муҳимлигини баҳолашда фойдали бўлиши мумкин.
8 Аудит натижалари бўйича хулосаларни тайёрлаш
Якуний йиғилиш ўтказилгунгача аудиторлар гуруҳи иш якунларини чиқариш учун йиғилиши керак. Аудиторлар, аудит кузатишларини (мувофиқликлар, номувофиқликлар ва эътирозлар) ва аудит мобайнида йиғилган бошқа исталган маълумотларни, аудит мақсадлари нуқтаи назаридан муҳокама ва таҳлил қилишлари ва аудит натижалари тўғрисида умумий хулосалар қилишлари керак. Бу хулосаларда текширилаётган фаолиятни аудит мезонларига, жорий қилиш натижавийлиги, сифат тизимини ишчи ҳолатда ушланиши ва такомиллаштирилишига мувофиқлиги даражаси тўғрисида, шунингдек яхшилаш бўйича тавсияларни ўз ичига олиши мумкин.