2-tajriba ishi. Mavzu: Sanoat portlovchi mateiallarini sinash

2-tajriba ishi.
Mavzu: Sanoat portlovchi mateiallarini sinash

Sanoat portlovchi moddallari (portlatish vositalari ham) ma’lum muddatlarda sinab turiladi.

1. 
   Tarkibida suyuq nitroefirlar 15% dan ko’p bo’lgan va qo’llanilish sharoiti bo’yicha III, IV, V va VI sinflarga kiruvchi saqlagichli portlovchi moddalar kafolat muddati tugagandan so’ng va har oyda bir marta tekshirib turiladi.
   
2. 
   Tarkibida suyuq nitroefirlar 15% gacha bo’lgan qo’llanish sharoiti bo’yicha I va II sinfga kiruvchi saqlagichsiz portlovchi moddalar kafolat muddati tugagandan so’ng va har 3 oyda bir marta tekshirib turiladi.
   
3. 
   Portlatish vositalari kafolat muddati tugagandan so’ng va bir yilda bir marta tekshiriladi.
   
4. 
   Agar PMning to’liq portlashiga shubha uyg’onadigan bo’lsa yoki portlatish ishlarida «rad» («отказ») kuzatiladigan bo’lsa, saqlash muddatidan qat’iy nazar barcha turdagi portlovchi moddalar va portlatish vositalari tekshirib ko’riladi.
   

Portlovchi moddalarni tekshirish, ularni portlatib ko’rish orqali amalga oshiriladi. Bunda portlatish ishlarining portlovchi modda saqlanadigan ombordan kamida 200m masofada joylashgan maxsus poligonda amalga oshiriladi. Bunda portlatishni amalga oshirayotgan xodim (portlatuvchi yoki portlatish ishlari ustasi) portlash amalga oshirilayotgan joydan kamida 50m masofada maxsus panagohda joylashishi kerak.
Portlovchi moddalar va portlatish vositalari quyidagi usullar yordamida tekshiriladi.
1.Tashqi ko’zdan kechirish. Ushbu usul barcha turdagi portlovchi materiallarga taaluqli bo’lib, yashiklarda saqlanadigan portlovchi materiallar va vositalarning qadog’idagi plomba bog’lami va yozuvlarining buzilmaganligini ko’zdan kechirish maqsadida olib boriladi. Tashqi ko’zdan kechirishda kamchilik aniqlangan yashik ichidagi qadoqlar butunligi tekshirib ko’riladi. Agar yashik ichidagi qadoqlangan portlovchi material qadog’ida kamchiliklar aniqlansa uning massasi tekshirib ko’riladi. Agar hujjatda ko’rsatilgan va haqiyqiy massasi orasida farq kuzatilsa reklamatsion dalolatnoma tuziladi va birinchi nusxasi ishlab chiqaruvchi zavodga, ikkinchi nusxasi Sanoat xavfsizligi davlat qo’mitasining mahalliy idoralariga jo’natiladi, uchinchi nusxasi esa omborxonada saqlanadi.