2 соат маъруза Режа: Автоматлаштирилган ахборот тизимларида ҳимоялаш зарурияти

7-маъруза. Ахборот хавфсизлигини таъминлашда криптографик усуллардан фойдаланиш. Ахборот хавфсизлиги стандартлари..
(2 соат маъруза)
Режа:
1. Автоматлаштирилган ахборот тизимларида ҳимоялаш зарурияти;
2. Ахборотни ҳимоялаш тизими;
3. Ташкилотлардаги ахборотларни ҳимоялаш;
4. Ахборотларни ташкилий ҳимоялаш элементлари;
5. Замонавий компьютер стенографияси;
6. Стенографик дастурлар тўгрисида кисқача маьлумот
7. Криптография ҳақида асосий тушунчалар.
8. Симметрияли криптотизим асослари


Автоматлаштирилган ахборот тизимларида ҳимоялаш зарурияти
Ахборот - коммуникациялар технологияларининг оммавий равишда қоғозсиз автоматлаштирилган асосда бошқарилиши сабабли ахборот хавфсизлигини таъминлаш мураккаблашиб ва муҳимлашиб бормоқда. Шунинг учун хам автоматлаштирилган ахборот тизимларида ах­боротни ҳимоялашнинг янги замонавий технологияси пайдо бўлмоқда. DataQuest компаниясининг маълумотига кўра, 1996—2000 йилларда ахборот ҳимояси воситаларининг сотувдаги ҳажми 13 млрд. АКШ долларига тенг бўлган.


Ахборотни ҳимоялаш тизими
Ахборотнинг заиф томонларини камайтирувчи ахборотга рухсат этилмаган киришга, унинг чиқиб кетишига ва йуқотилишига тўсқинлик қилувчи ташкилий, техник, дастурий, технологик ва бошқа восита, усул ва чораларнинг комплекси — ахборотни ҳимоялаш тизими дейилади.
Ахборот эгалари хамда ваколатли давлат органлари шахсан ахборотнинг кимматлилиги, унинг йукотилишидан келадиган зарар ва ҳимоялаш механизмининг нархидан келиб чиккан холда ахборотни ҳимоялашнинг зарурий даражаси хамда тизимнинг турини, ҳимоялаш усуллар ва воситаларини аниклашлари зарур. Ахборотнинг кимматлилиги ва талаб килинадиган ҳимоянинг ишончлилиги бир-бири билан бевосита боглик.
Ҳимоялаш тизими узлуксиз, режали, марказлаштирилган, максадли, аник, ишончли, комплексли, осон мукаммаллаштириладиган ва куриниши тез узгартириладиган булиши керак. У одатда барча экстремал шароитларда самарали булиши зарур.