2-seminar mashg’uloti Yong‘in xavfsizligini ta’minlashning huquqiy asoslari

To‘rtinchi guruh normativ hujjatlarga yong‘in xavfsizligi talablari belgilangan standartlar kiradi.

GOST – davlat standarti – bu Respublika hududidagi amalda bo‘lgan standartlarning asosiy toifalaridan biri hisoblanadi. Standart keng ma’noda – o‘xshash ob’ektlarning solishtirish uchun boshlang‘ich asos sifatida qabul qilinadigan namuna, etalon, modeldir.

Milliy (davlat) standarti – standartlashtirish bo‘yicha davlat organi tomonidan qabul qilingan huquqiy hujjatdir. Oddiy qilib aytganda O‘zbekiston respublikasi hududida namuna, etalon sifatida qabul qilinadigan hujjat bo‘lib, O`z DSt ya’ni O‘zbekiston davlat standarti deb yuritiladi.

Xalqaro miqyosda (bir qancha davlatlar orasida) qabul qilingan yoki kelishilgan standartlar xalqaro standartlar (yoki davlatlar aro standartlar) deb yuritiladi va barcha kelishilgan davlatlar hududida birdek amalda bo‘ladi. Bugungi kunda amalda bo‘lgan amaldagi Davlat standartlarining asosiylarining ro‘yxati 1-ilovada keltirilgan.

Beshinchi guruh normativ hujjatlarga qurilish norma va qoidalari kiradi. Qurilish norma va qoidalari bino va inshootlarni qurish va rekonstruksiya qilish davrida amal qilinishi majburiy bo‘lgan hujjat hisoblanib, yong‘in xavfsizligi sohasida quyidagi masalalarni o‘z ichiga oladi:

binolarning olovbardoshlilik darajasi;

binoning qo‘llanilishi yoki texnologik jarayonlarning xavflilik darajasiga muvofiq yong‘inga qarshi bo‘lmalarning maydoni va qavatlari sonini;

yong‘inga qarshi to‘siqlar (devorlar, orayopmalar, tambur-shlyuzlar va sh.k. bo‘lgan talablar);

evakuatsiya yo‘llarining hajmiy-rejaviy va konstruktiv ijrosi;

binolarda odamlarni xavfsiz evakuatsiya qilishning texnik ta’minoti (evakuatsion yoritish, tutunga qarshi himoya tizimi va x.k.);

ventilyasiya va isitish tizimlarini jihozlanishi;

qurilish ishlari yakunlangan binolarni foydalanishga qabul qilish tartibi.

Shaharsozlik – shaharlarni va boshqa aholi punktlarni, hududiy loyihalash, shaharlarni mintaqalash, hududlarni rejalashtirish, arxitektura-qurilishni loyihalashtirish, qurilish, kapital ta’mirlash, kapital qurilish ob’ektlarini qayta ta’mirlash, bino va inshootlarni ekspluatatsiya qilish hamda hududlarni rivojlantirish ko‘rinishidagi faoliyatidir.