2-seminar mashg’uloti Yong‘in xavfsizligini ta’minlashning huquqiy asoslari

Birinchi guruh normativ hujjatlarga yong‘in xavfsizligi masalalarini o‘z ichiga oluvchi va yuridik kuchga ega bo‘lgan hamda davlat hokimiyatining oliy organi – O‘zbekiston Respublikasi Oliy Majlisi tomonidan qabul qilingan qonun hujjatlari kiradi.

Yong‘in xavfsizligini ta’minlashning umumiy huquqiy, iqtisodiy asoslarini belgilab beruvchi asosiy yuridik hujjat O‘zbekiston Respublikasining “Yong‘in xavfsizligi to‘g‘risida”gi Qonuni (O‘RQ-226 2009 yil 30 sentyabr) bo‘lib, davlat organlari, tashkilot, korxona va muassasalar, fuqarolarni o‘z-o‘zini boshqarish organlari, jamoatchilik tashkilotlari, fuqarolar orasida yong‘in xavfsizligi sohasidagi munosabatlarni tartibga soladi.

Shu o‘rinda, yong‘in xavfsizligi bo‘yicha masalalarni tartibga soluvchi qonun hujjatlari guruhiga quyidagilar ham kiradi:

yong‘in xavfsizligi norma va qoidalarini buzishni huquqbuzarlik deb ta’rif etuvchi va ma’muriy javobgarlikni belgilab beruvchi O‘zbekiston Respublikasining Ma’muriy javobgarlik to‘g‘risidagi Kodeksi;

yong‘in va uning oqibatlarini jinoyat deb ta’rif etuvchi va jinoiy javobgarlikni belgilab beruvchi O‘zbekiston Respublikasining Jinoyat Kodeksi;

xodimlar (ishchi va xizmatchilar)ga yong‘in xavfsizligi bo‘yicha yo‘l-yo‘riqlarni o‘tkazib borilishi va mehnat muhofazasi talablariga rioya etilishi tekshirib borish vazifasini shartligini belgilab beruvchi O‘zbekiston Respublikasining Mehnat Kodeksi;

bino va inshootlarni qurish, rekonstruksiya qilish va kapital ta’mirlash bo‘yicha loyiha-smeta hujjatlarini qonunchilik hujjatlarida belgilangan tartibda tegishli bo‘linmalar, shu jumladan davlat yong‘in nazorati bo‘linmalari bilan kelishilishi kerakligini belgilab beruvchi O‘zbekiston Respublikasining Shaharsozlik Kodeksi;

byudjet tashkilotlarida yong‘indan himoya talablarini bajarishni ta’minlash uchun xarajatlarni yillik tasdiqlangan smetaning boshqa xarajatlar bo‘limidan amalga oshirilishini belgilab beruvchi O‘zbekiston Respublikasining Soliq Kodeksi.

Ikkinchi guruh normativ hujjatlarga O‘zbekiston Respublikasi Vazirlar Mahkamasining yong‘in xavfsizligi sohasidagi qaror va farmoyishlari kiradi:

O‘zbekiston Respublikasi Vazirlar Mahkamasining 2017 yil

11 sentyabrdagi “Qoraqalpog‘iston Respublikasi Vazirlar Kengashi, viloyatlar, Toshkent shahri, shahar va tumanlar hokimliklari huzurida yong‘in xavfsizligi bo‘yicha komissiyalar tashkil etish tartibi haqidagi Nizomni tasdiqlash to‘g‘risida”gi 708-sonli Qarori;

O‘zbekiston Respublikasi Vazirlar Mahkamasining 2017 yil

1 avgustdagi “O‘zbekiston Respublikasi Ichki ishlar vazirligi Davlat yong‘in xavfsizligi xizmati faoliyatini belgilab beruvchi normativ-huquqiy hujjatlarni tasdiqlash to‘g‘risida”gi 566-son Qarori.

Uchinchi guruh normativ hujjatlarga mahalliy davlat hokimiyati organlarining normativ hujjatlari kiradi. Bunga “Yong‘in xavfsizligi to‘g‘risida”gi Qonun va boshqa qonunosti hujjatlariga muvofiq qabul qilingan qaror va farmoyishlarni misol qilsa bo‘ladi:

Andijon viloyati hokimining 2015 yil 24 dekabrdagi “Viloyatda yong‘inga qarshi alohida rejim o‘rnatish to‘g‘risida”gi 325-sonli qarori;

T oshkent shahar hokimining 2017 yil 7 sentyabrdagi “O‘bekiston respublikasi Ichki ishlar vazirligining Yong‘in xavfsizligi institutida korxona, muassasa va tashkilot rahbarlarini o‘qitish to‘g‘risida”gi 132-f-sonli qarori.