2. Poliamfolit eritmada zanjirning o‘rtacha yig‘indi zaryadi nolga teng bo‘lishiga to‘g‘ri keladigan

2. Poliamfolit eritmada zanjirning o‘rtacha yig‘indi zaryadi nolga teng bo‘lishiga to‘g‘ri keladigan pH miqdori izoelektrik nuqta (IEN) deyiladi. IEN miqdori poliamfolit konsentratsiyasiga bog‘liq bo‘lmaydi. Poliamfolitning bo‘kish darajasi, eruvchanligi, osmotik bosimi, eritmaning qovushoqligi kabi parametrlar IEN da minimum orqali o‘tadi. Qovushoqlik IEN da minimal bo‘ladi (6.3.4-rasm). Chunki, eritmada qarama qarshi zaryadlangan guruhlarning miqdorini teng bo‘lishi polimer zanjiriga nisbatan zichroq o‘ralgan konformatsiyaga ega bo‘ladi. Zanjir IEN dan uzoqlashsa, masalan, kislotali sohaga siljisa yig‘indi musbat zaryadli va ishqoriy sohaga siljisa yig‘indi manfiy zaryadga ega bo‘ladi.

Poliamfolit eritmada tashqi qo‘shimcha ionlar bo‘lmasa, uning xususiy ionogen guruhlari dissotsiatsiyasi pH miqdorini belgilaydi va izoion nuqta (IIN) deyiladi. Makromolekulaning ushbu nuqtadagi zaryadi zanjirdagi kislotali va asosli guruhlar tabiati va nisbatiga bog‘liq bo‘ladi. Agar IIN = 7 (ya’ni pH = 7) bo‘lsa, u IEN ga mos keladi. Bu eritmaning elektroneytral holatda ekanligidan dalolat beradi:

C + [H⁺] – [OH^-] = 0 (6.3.11)
bu yerda C - poliamfolitning mol konsentratsiyasi; - izoion holatida poliamfolitning o‘rtacha yig‘indi zaryadi. pH  7 bo‘lsa,  0.
Izoion (IIN) va izoelektrik (IEN) nuqtalar poliamfolitlarda, jumladan oqsillarda yaqqol namoyon bo‘ladi. IEN va IIN larni inobatga olgan holda gidrodimnamik tadqiqotlar o‘tkazish, aynan, molekulyar-massaviy va konformatsion tavsiflarini aniqlash imkonini beradi.