2-Мавзу. Рақамли видеонинг асосий тушунчалари. Видеофайл форматлари ва сиқиш стандартлари Режа

MP4 (MPEG-4 Part 14) – рақамли видео ва аудио оқимларни сақлаш учун яна бир 
замонавий файл формат бўлиб, MPEG-4 стандартининг қисми ҳисобланади. MKV даги 
мавжуд барча имкониятларга эга. Лекин MP4 битта афзалликга эга – бу форматдаги 
файлларни смартфонлардан тортиб то ўйин приставкаларигача бўлган деярли ҳар қандай 
қурилмада эшитиш мумкин. MKV ни шахсий компютерлардан ташқари, фақат энг 
замонавий медиа марказлар қувватлайди. Шуни унутмаслик лозимки, Apple 
компаниясининг iPhone дан Mac гача бўлган барча маҳсулотлари учун MP4 "она" формат 
ҳисобланади.
MP4 контейнери MKVдан фарқли ўлароқ, бир қатор чекловларга эга ва MPEG-1, 
MPEG-2 вa WMV видео стандартларини, шунингдек овозни AC-3 (Dolby Digital) вa WMA 
форматларида ўз таркибига сақлай олмайди.
VOB (Versioned Object Base) – DVD дискларга мультимедиа контентни сақлаш учун 
фойдаланиладиган асосий контейнер. Тўққизтагача овоз йўлаклари, субтитрлар ва экранли 
меню билан 32 та каналларга қадар MPEG-2 видеонинг бир неча оқимларни ўз ичига 
олиши мумкин. 

---

FLV (Flash Video) – глобал Интернет тармоғида видео лавҳаларни жойлаш ва узатиш 
учун ишлатиладиган медиаконтейнер. YouTube, Vimeo, Flickr ва бошқа кўплаб йирик видео 
алмашиш хизматлари томонидан ишлатилади. FLV-файлдаги видео оқим қоида сифатида 
H.263 ёки H.264, овоз эса MP3 ёки AAC кодеклари ёрдамида кодланади. 
MOV – видео, графика, анимация ва 3D сақлаш учун Apple компанияси томонидан 
ишлаб чиқилган файл формати. Унинг юзага келиши QuickTime медиа контентини 
ишлатиш технологияси билан белгиланди.
TS ва M2TS – HD-видеони сақлаш учун мўлжалланган махсус дастур. IPTV вa DVB 
рақамли телевидениенинг оқимли эшиттиришларида TS ишлатилади. Ушбу контейнер 
субтитрларни умуман ўз ичига олмайди. Blu-Ray видео учун M2TS стандарт контейнер 
ҳисобланиб, PGS график форматидаги субтитрларни ўз ичига олади.
Рақамли видео билан ишлаш учун компеьютерга қанақанги дастурий таъминот 
кераклиги кўриб чиқамиз.
Медиаплеерлар – видеоконтентни кодини очиш ва эшиттириш учун мўлжалланган 
дастур. Уларнинг энг машҳурлари қуйидагилар ҳисобланади: Windows Media Player, 
KMPlayer, Winamp, QuickTime, GOM Player, PowerDVD, Media Player Classic, VLC Media 
Player, BSPlayer, RealPlayer ва бошқалар. 
Одатда, проигрыватель ўрнатилгандан сўнг, у билан биргаликда тизимга тегишли 
кодеклар тўплами ҳам ўрнатиладики, бу сиз қандай медиаконтейнерларни очишингизга 
боғлиқ. Масалан, улардан баъзилари DVD ни, бошқалари эса MKV ни ўқий олмайди.
Конверторлар – видео файлларни бир форматдан бошқасига ўзгартириш имконини 
берувчи дастурлар. Уларнинг баъзилари мультиформатли ҳисобланади, яъни 
медиаконтейнерларнинг кўплаб турлари билан тўғридан-тўғри ишлаш имкониятига эга. 
Бошқалари эса тор ихтисосли, маълум бир форматни конвертациялаш учун мўлжалланган. 
Энг машҳур конверторларга қуйидагилар тегишли: Total Video Converter, Format Factory, 
Any Video Converter, Xilisoft Video Converter, MediaCoder, Dr.DivX, ImTOO 3GP Video 
Converter, ConvertXToDVD ва бошқалар.