2-Мавзу. Рақамли видеонинг асосий тушунчалари. Видеофайл форматлари ва сиқиш стандартлари Режа

 
AVI (Audio Video Interleave) – медиаконтейнерларнинг энг олдинги ва анъанавий 
кўриниши бўлиб, илк бор 1992 йилда Microsoft томонидан ишлатилган. Ҳар хил бирикмали 
кодеклар билан сиқилган видео ва аудио маълумотларни ўз ичига олиши мумкин. Шундай 
экан, ташқи ўхшашликда AVI–файллар ички "тўлдириш"дан жиддий фарқ қилиши мумкин, 
ва уларнинг ташкил этувчиларини аниқ белгилаш учун махсус дастурлардан (масалан, 
VideoToolBox) фойдаланишга тўғри келади.
Сирасини айтганда, бу контейнер аллақачон эскирди ва бир қанча жиддий 
камчиликларга эга: аралаш видео таркибининг йўқлиги (масалан, NTSC вa PAL) ва 
муқобил овоз йўлаклари, вақт белгилари ва кадр индексларининг мавжуд эмаслиги, 
замонавий кодеклар қувватланишининг ёмонлиги ва бошқалар.
Бироқ, ушбу медиаконтейнер ҳозиргача ишлатилиб келинмоқда, чунки тармоқда 
катта миқдордаги медиаконтентлар айнан ушбу форматда тақсимланади. Буни узоқ вақт 
ишлатилишининг сири унинг универсаллиги, бошқа томондан эса унинг камчилиги 
ҳисобланади. 
MKV (Maтроска ёки Матрёшка) – барча замонавий талабларга жавоб берувчи, 
мультимедиаконтейнерларнинг машҳур формати ҳисобланади. Кўпроқ H.264 кодеклар 
оиласига йўналтирилган. Унинг асосий хусусиятлари қуйидагилар: 
• экран менюсини яратиш; 
• ташкил этувчиларни бобларга бўлиш; 
• файл бўйича тезкор ўтказиш; 
• аудио ва видео йўлаклар, шунингдек субтитр ўртасидаги ўзгариш. 
Шундай қилиб, ушбу жамланма видеонинг кўпгина оқимлари, аудио ва 
субтитрлардан таркиб топиши мумкин, шу билан бирга фильмни барча қўшимча 
материаллари билан битта файлда сақлаш имконини беради, шундай экан медиаконтент 
бўйича навигацияларнинг юқори даражасини таъминлаш мумкин. Шуни ҳам таъкидлаш 
жоизки, MKV хатоларга нисбатан юқори чидамлиликга эга, модулли кенгайиш ва Интернет 
орқали материаллар трансляциясини қўллаб-қувватлайди. 
Ушбу форматни кенг оммалаштириш бу очиқ лойиҳа эканлигидан далолат беради. 
Яъни, шахсий фойдаланиш учун у тўлиқ бепул. Бугунги кунда, кўпроқ «.mkv» кенгайтмали 
файлларда видео бир қанча аудио йўлаклар ва субтитрлар каналлари билан юқори 
аниқликда сақланади.