2-мавзу. Пул айланмаси ва унинг таркиби. Пул массаси ва пул агрегатлари

2. Молиявий сиёсат.
Молиявий сиёсат-бу молиявий бошқарувнинг аниқ натижаларга эришишдаги пировард мақсади.
Молиявий бошқарувнинг барча тизими давлатнинг молиявий сиёсатига асосланади. Шунинг учун ҳам молиявий сиёсат молиявий бошқарув тизимида энг асосий элемент ҳисобланади.
Молиявий сиёсат давлатнинг молиявий муносабатлар соҳасидаги мустақил фаолиятидир. Бу фаолият давлатнинг у ёки бу иқтисодий ва ижтимоий ривожланиш дастурини амалга ошириш учун тегишли молиявий ресурслар билан таъминлашга қаратилган.
Молиявий сиёсат мустақил аҳамиятга эга бўлиб, бир вақтнинг ўзида ижтимоий фаолиятнинг ҳар қандай соҳасида давлат сиёсатини амалга оширишнинг муҳим воситаси ҳисобланади.
Сиёсат, сиёсий таъсир ва сиёсий раҳбарлик қуйидаги уч элементлардан
таркиб топади:

• бош мақсадни аниқлаш ва қўйиш ҳамда жамият ҳаётининг маълум бир даврига хос қўйилган мақсадларга эришиш учун ечилиши зарур бўлган истиқболдаги ва яқин кунлардаги вазифаларни аниклашлаштириш;
• ёрдамида қўйилган мақсадларга қисқа муддатларда эришиладиган, яқин кунлардаги ва истиқболдаги вазифалар эса оқилона тартибда ҳал қилинадиган муносабатларнинг усуллари, воситалари ва аник шаклларини ишлаб чиқиш;
• қўйилган вазифаларни ечишга қодир бўлган кадрларни танлаш ва жой-жойига қўйиш, уларнинг бажарилишини ташкил қилиш.

Молия сиёсати-молиявий ресурсларни сафарбар этиш, уларни қайта тақсимлашда ва ягона тизим доирасида фойдаланишда маълум даражада самарадорликка эришишга қаратилган давлат ўз вазифаларини бажаришини таъминлаш ва пировардида иқтисодиётни барқарорлаштириш ва ижтимоий тараққиётга шароит яратиш мақсадидаги давлат чора-тадбирлари мажмуидир.
Молиявий сиёсат давлат иқтисодий сиёсатнинг ажралмас қисмидир ва самарали молиявий сиёсатни амалга ошириш учун асос сифатида умумий ва хусусий принциплар мавжуд.
Умумий принциплар: объектив иқтисодий қонунларнинг ҳаракатлари; ўзига хос тарихий шарт-шароитлар; ўтган йиллардаги ўз тажрибаси ва жаҳон тажрибасининг.