2-мавзу: Педагогик тадқиқотларнинг асосий категориялари ва тушунчалари Режа

2-мавзу: Педагогик тадқиқотларнинг асосий категориялари ва тушунчалари
Режа:
1.Методологик тадқиқот ва махсус илмий тадқиқот.
2.Педагогик ижодкорлик ва унинг ўзига хосликлари.
3.Педагогик тафаккур.
4.Тадқиқот лойиҳаси ва дастури
Таянч тушунчалар: методологик тадқиқот, махсус тадқиқот, манба, эмпирик билим, ижод, ижодкорлик, педагогик ижодкорлик.
Методология тушунчаси ўзида икки жиҳатни акс эттиради:
биринчиси билиш фаолияти натижалари билан боғлиқ бўлса,
иккинчиси мазкур фаолиятнинг ўзи ҳисобланади.
Ҳар бир фаннинг ўзига хос категориялари, тушунчалари, тадқиқот предмети, объекти ва фаншуносликнинг умумий қоидалари, илмийлик мезони мавжуд.
Глобаллашув жараёнида фаннинг ривожланиши, илмий тадқиқот тили, категориялари унинг умумий жаҳоншумул ва хусусий муайянлиги мухим ўрин тутади.
Методологик тадқиқот ва махсус илмий тадқиқот.
Фалсафий нуқтаи назардан методология назарий ва амалий фаолиятни ташкил этиш ва қуриш принциплари ва усуллари тизими, шунингдек, бу тизим ҳақидаги
таълимот (назария) сифатида қабул қилинади.
Аниқроғи, методология предмети -фаолиятни ташкил этиш ҳақидаги назария демакдир.
одатий номаҳсул (репродуктив) фаолият билан машғул бўлиб, ҳар доим ўзи ўзлаштирган бир хилдаги технология билан иш кўрса "дарс берувчи" сифатида фаолият кўрсатса, бу ерда методология ҳақида гап бўлиши мумкин эмас.
Аксинча, маҳсулдор (продуктив) фаолият намойиш этиб, мисол учун, илмий - тадқиқий педагогик фаолият кўрсатса ёки ўзининг хусусий муаллифлик ўқитиш тизимини яратса, шубҳасиз, методологик фаолият вужудга келади.
Кейинги ҳолатда икки қарама - қарши тушунча
- лойиҳа ва рефлекция - асосий ўринга кўтариляпти.
Маълумки, ҳар қандай маҳсулдор фаолият лойиҳалаш кўникмаларини талаб этади.
Илмий -тадқиқий ишларнинг қуйидаги босқичлари - зиддиятларни аниқлаш, муаммони ифодалаш, фаразларни қуриш ва ҳ.к. - мантиқан тадқиқот лойиҳалаш усулидир.
Ижодий фаолиятни ташкил этишда ҳар доим рефлекция -лойиҳанинг, жараён ва натижаларнинг доимий таҳлили муҳим ўрин тутади.
Бугунги куннинг жиддий методологик муаммоси - бу замонавий таълимни
педагогик тадқиқотларга оид илмий муаммоларда ишонарли ва самарали акс эттиришдир.