2-mavzu: pedagogik jarayonni loyihalash texnologiyasi

Texnologik xarita (pedagogikada) – pedagogik (ta’lim va

tarbiya) jarayonni bajaruvchi yoki ma’lum ob’ektga texnik

xizmat ko’rsatuvchi pedagoglarga taqdim etiladigan barcha

zarur ma’lumotlar, ko’rsatmalarni o’z ichiga olgan hujjat

Muayyan vaqtda bajariladigan ta’limiy yoki tarbiyaviy jarayonda bajariladigan faoliyat uchun mo’ljallangan texnologik xarita quyidagi savollarga javob bera olishi lozim:

1. Belgilangan maqsadni amalga oshirishga qaratilgan

pedagogik faoliyat qanday bosqichlarni o’z ichiga oladi?

2. Har bir bosqichda aniq qanday vazifalarni bajarish zarur?

3. Har bir bosqich vazifalarini bajarishda pedagog

va magistrning faoliyat mazmuni nimadan iborat bo’ladi?

4. Vazifalar qanday izchillikda bajarilishi kerak?

5. Muayyan vazifa aynan qaysi vaqtda bajarilishi zarur?

6. Har bir vazifani bajarish uchun qancha vaqt talab etiladi?

7. Har bir bajarilgan vazifaning aniq natijasi qanday?

8. Vazifalarni bajarish uchun zarur qanday asbob-uskunalar,

materiallar yoki vositalardan foydalanish

maqsadga muvofiq?

Odatda texnologik xarita ta’lim muassasasida tashkil etiladigan har bir o’quv mashg’uloti yoki ma’naviy-ma’rifiy tadbir uchun alohida ishlab chiqiladi va u ko’p hollarda jadval ko’rinishida rasmiylashtiriladi. “Pedagogik faoliyat mohiyatini yorituvchi texnologik xaritalar ta’lim muassasasi tomonidan ko’rsatiladigan xizmatning texnik andozasi bo’lib, mas’ul rahbar shaxslar tomonidan ma’qullanishi zarur”¹.

Umumiy o’rta va o’rta maxsus, kasb-hunar ta’limi muassasalarida tashkil etiladigan pedagogik faoliyat uchun quyidagi texnologik xarita²ni namuna sifatida taqdim etish mumkin (3-jadval):