2-мавзу: Мақсадни белгилаш уч даражали тестлар асосида ўқув натижаларга эришиш даражасини бахолаш

МАҚСАДНИ БЕЛГИЛАШ ТУШУНЧАЛАРИГА ТАЪРИФ БЕРИШ
 
2- асосий савол бўйича ўқитувчининг мақсади: талабаларга таълим -тарбия жараёни ҳақида тушунча бериш, таълим тизимидаги ёндашувлар ва уларнинг хусусиятини ёритиш, ўқув жараёнини лойиҳалаш ҳақида тушунча бериш, ўқитувчилик касбига қизиқтириш.
2-асосий савол бўйича идентив ўқув мақсадлари:
1. Таълим жараёнидаги турли хил ёндашувларнинг моҳиятини изоҳлайди.
2. Ҳар бир таълим жараёнидаги ёндашувга таъриф беради.
3. Ўқув жараёнини лойиҳалашни ўрганади ва амалиётда қўллайди.
2-асосий савол бўйича муаммолар :таълимга уч хил ёндашув мавжуд. Мана шу ёндашувлар ўртасида боғлиқликни , фарқни ва ўхшашликни аниқланг.
Ўқув жараёнини лойиҳалаш таълим тизимида қандай аҳамиятга эга? Умумий ўрта таълим ва касб-ҳунар лисейларида ўқув жараёнини лойиҳалашнинг тартибини ишлаб чиқинг ва солиштиринг.
2- асосий савол баёни:
Оғзаки-иллюстратив ёндашув. У анъанавий бўлиб ва асосан ўқитувчининг ахборот бериши, талабаланинг қабул қилаётган билимни тўплаши ва хотирасида сақлаши билан белгиланади.
Бу тизимдаги билимлар асосан эсда сақлаб қолиш натижаси, кўпинча расмий маълумотдир. Улар актуаллаштирилади, яъни чукур хотирадан юзага келтирилади ёки бошқа сўз билан айтганда, фақат унга қаратилган тўғридан тўғри савол пайтида эсга олинади. Қайта эсга олиш даражасидаги билим узоқ вақт хотирада сақланмайди. Керакли пайтда қийинчилик билан эсга олинади, айрим ҳолларда эса умуман эсга олиб бўлмайди.
Технологик ёндашув
Педагогик технология доирасида репродуктив даражасидаги таълим аниқ қайд этилган ва қисмлари тавсифланиб, кутилган натижалари билан асл ҳолича қайтариш лозим бўлган конвеерли жараён сифатида кўрилади. Ўқув материали аниқ қайд этилган ўқув мақсадида мос ҳолда ишлаб чиқилган, махсус фрагментларга (модулларга) ажратилган, ўқув материалини тавсия этишнинг алтернатив йўлларини кўзда тутади, ҳар бир қисми тест ва қўшимча тузатишлар киритиш билан ҳамоханг бўлади. Технологик ёндашувни қўллаш қўйилган ўқув мақсадларига гаровли эришиш имконини беради. Бундай самара берувчи механизмлар кейинги бобларда ўз аксини топган.