2 мавзу. Электр занжирлар

2.2.-мавзу. Айрим уланган R, L ва С элементлардаги синусоидал ток.
Режа

1. 
   Умумий тушунчалар.
   
2. 
   Актив қаршилик уланган ўзгарувчан ток занжири.
   
3. 
   Индуктив ғалтак уланган ўзгарувчан ток занжири.
   
4. 
   Конденсатор уланган ўзгарувчан ток занжири.
   

1. 
   Умумий тушунчалар.
   

Барча электротехник қурилмалар маълум даражада қаршилик R, индуктивлик L ва сиғим С га эга. Булар ўзгарувчан ток занжирининг параметрлари ҳисобланиб, занжирдаги ўзгарувчан токнинг миқдорига ва бошланғич фазасига доимо таъсир кўрсатади. Умуман олганда, ўзгарувчан ток занжирининг электр схемаси ана шу элементлардан турлича комбинацияда ташкил топган бўлади.
Электр манбаидан истеъмол қилинаётган энергия иссиқлик энергиясига айланадиган занжир элeмeнти актив элемент, унинг қаршилиги актив қаршилик (R), ундаги қувват эса ак­тив қувват (Р) дейилади. Занжирнинг индуктивлик ва
сиғим элементларида эса истеъмол қилинаётган электр энергияси даврий равишда гох магнит, гоҳ электр майдонлари энергиясига айланиб, сўнгра электр энергиясининг манбаига қайтади. Манба билан истеъмолчи орасида энергия алмашиниш жараёни содир бўлгани учун мазкур элементлар реактив элементлар, уларнинг қаршилиги реактив (индуктив –Х_L, сиғимий –Х_С ), улардаги қуввватлар эса реактив қувватлар (индуктив — Q _L, сиғимий — Q _С ) дейилади.

2. 
   Актив қаршилик уланган ўзгарувчан ток занжири.
   

Бу хилдаги нагрузкага (истеъмолчига) электр энергиясини иссиқлик энергиясига айлантуриб берадиган истеъмолчилар (чўғланма лампалар, барча техиика ва маиший электр иситиш асбоблари, реостат ва бошқалар) киради. (4.1-расм,а). Актив қаршиликли занжирда кучланиш билан токнинг ўзгариши синусоидал бўлиб, уларнинг фазалари ўзаро мосдир. Бинобарин, кучланиш билан ток графиклари ва векторлари орасидаги фаза силжиш бурчаги φ = 0 (4.1-расм,б)..