2-маъруза. Очиқ тизимларнинг ўзаро боғланиш эталон модели. Tcp/ip модели

Транспорт поғонаси

Транспорт поғонасининг асосий вазифаси пакетларни хатосиз, дастлабки кетма-кетликда йўқотишсизларсиз кафолат билан етказиб беришдан иборат.

Бу поғонада маълумотлар қайта тахланади: узунлари бир нечта пакетларга ажратилади, қисқа пакетлар эса бирлаштирилади. Шу орқали тармоқдан пакетларни юбориш самарадорлиги оширилади.

Транспорт поғонасида қабул қилувчи томонидан маълумотлар қабул қилингани хақида тасдиқ сигнали юборилади.

Траспорт поғонаси оқимни бошқаради, хатоларни текширади, пакетларни юбориш ва қабул қилиш билан боғлиқ бўлган муаммоларни ҳал қилишда иштирок этади.

Сеанс поғонаси

Сеанс поғонаси сеанс бошланиши ва якунланишини, транспорт тармоғи даражасида ишдан чиқиш (ишламаслик) ҳолатларида қайта улашни амалга оширишни таъминлайди.

У шартли адресларни, яъни ахборотни киритиш/чиқариш нуқталари рақами ёки охирги тизимларни ўзаро боғланган портларини аниқлаш билан шуғулланади.

Сеанс поғонаси ҳар хил компьютерлардаги икки қўлланиш дастурлари орасида сеанс деб аталувчи боғланишни ўрнатиш, фойдаланиш ва якунлаш имконини беради.

Ушбу поғонада тармоқдаги икки қўлланиш дастурлар алоқаси учун зарур бўлган номларни таниб олиш ва ҳимоя вазифалари бажарилади, ўзаро боғланиш жараёнлар ўртасида диалогни бошқаришни таъминлайди, яъни томонлардан қайси бири қачон ва қанча вақт узатиш бажаришини бошқаради.

Тақдимот поғонаси

Олтинчи поғона-тақдимот поғонаси, еттинчи поғонадан келган маълумотлар мазкур тармоқда ҳар қандай маълумот тақдим этиладиган кўринишга айлантирилади.

Бу орқали тармоқ охирги тизимлари сифатида компьютернинг ҳар хил турларини қўллашни чекламайди.

Бу ерда маълумотларни сиқиш, уларни шифрлаш каби вазифалар амалга оширилади.

Тақдимот поғонаси тармоқ компьютерлари ўртасида маълумотлар алмашуви шаклини белгилайди.

Қўлланиш поғонасидан келиб тушган маълумотлар юборувчи-компьютерда умумлаштирилиб оралиқ шаклга ўтказилади.