2 маъруза: доришунослик режа

Пирозол унумлари ҳам худди салицилатлар сингари оғриқ қолдирувчи, иссиқни 
пасайтирувчи, яллиғланишга қарши ва ревматизмга қарши таъсирларга эгадир. Ўзининг 
активлиги жиҳатдан пирозол унумлари салицилатлардан устун туради. 
Анальгин - ўз хоссаси жиҳатдан амидопиринга қараганда анча фарқ қилади. 
Сабаби, анальгин бир мунча активроқ, оғриқ қолдирувчи, иссиқ туширувчи, яллиғланишга 
қарши таьсирларнинг бир мунча тезроқ бошланиши билан амидопириндан фарқ қилади. 
Лекин таъсирининг муддати жиҳатдан амидопириндан қолади. Унинг ножўя таъсири: 
лейкопения ва аллегик реакцияларга сабаб бўлади. 
Анальгин таъсири остида диурез (сийдик ажралиш) камайиб кетиши туфайли 
организмда сув тўхтаб қолиб, баданга шиш бўлиши мумкин. Лекин анальгин 
амидопиринга қараганда заҳарлилиги кам. Анальгин тўқималарни таъсирлантиради, 
шунинг учун иньекция қилинганида оғриқ пайдо бўлади. Ревматизмда ҳам қўлланилади. 
Нерв системасига таъсир этувчи моддалар. Бромидлар жумласидан седатив 
воситалар сифатида натрий бромид, калий бромид ва бромкамфора ҳаммадан кўра кўпроқ 
қўлланилади. Организмда бромидлар парчаланиб, эркин бром ионларини ажратиб 
чиқаради, шу ионлар марказий нерв системасига тўғридан-тўғри таъсир кўрсатади ва 
седатив эффектни келтириб чиқаради.
Седатив воситалар сифатида бромидлар истерия, неврастения ва бошқа 
неврозларга даво қилиш учун кенг қўланилади. Бромидлар унчалик заҳарли эмас. Лекин 
организмдан секин-аста чиқиб кетадиган бўлганлиги учун бромидлар тўпланиб боради 
(кумуляция). Бромидлар кумуляциясида «бромизм» деб аталадиган сурункали заҳарланиш 
ходисаси юзага келади. Бромизм олий нерв фаолиятини сусайиб қолишига хос белгилар 
(апатия, уйқучанлик, хотиранинг сусайиши, терига тошмалар яъни хуснбузарга ўхшаган 
тошмалар тошиши), катарал ходисалар (конъюнктивит, тумов, йўтал) билан 
таърифланади. Бромизм ходисалари кўрингудек бўлса, бромидлар ичишни тўхтатиб 
қўйиш зарур. 
Бромидларни организмдан чиқишини тезлаштириш учун таркибида натрий хлорид 
кўпроқ (суткасига 10-90 г гача) бўладиган овқат, мўл-кўл суюқлик (суткасига 3-5 л гача 
сув) ичиш буюрилади. Бромизмнинг олдини олиш учун бадан терисининг тозалигига 
қараб бориш (тез-тез ювиниб туриш), оғиз чайқаб туриш ва мунтазам равишда хафтасига 
бир марта магний ёки натрий сульфат ичиш тавсия этилади.