2 Халқаро илмий-амалий конференция материаллари. Педагогик инновациялар, касб-ҳунар таълими бошқарув ҳамда педагог кадрларни қайта тайёрлаш ва уларни малакасини ошириш институти, 2020 йил, 424 бет

 
Ключевые 
слова:
экономическая 
стабильность, 
экономическая 
эффективность, 
образовательные услуги, финансовые ресурсы. 
This article analyzes the concepts of economic stability and efficiency, structural factors that ensure 
economic stability and efficiency of financial resources. Based on the conclusions made, recommendations 
are formulated to improve performance indicators in ensuring the economic sustainability of vocational 
education institutions. 
 Key words:
 economic stability, economic efficiency, educational services, financial resources

---

383 
Таълим тизимини ислоҳ қилишнинг асосий вазифаларидан бири сифатида профессионал 
таълим муассасаларининг иқтисодий барқарорлигини оширишни устувор вазифа сифатида 
белгиланишидир. Жумладан, Ўзбекистон Республикаси Президентининг 06.09.2019 йил 
“Профессионал таълим тизимини янада такомиллаштиришга доир қўшимча чора-тадбирлар 
тўғрисида” ги ПФ-5812-сон Фармонига мувофиқ соҳада касб-ҳунар мактаблари, коллежлар ва 
техникумлардан иборат профессионал таълим муассасалари тармоғи ташкил этилди. Мазкур таълим 
муассасалари фаолиятини юритиш харажатлари тегишли вазирлик, идораларнинг бюджетдан 
ташқари маблағлари, тўлов-контракт, ўқувчиларни давлат буюртмаси асосида тушадиган маблағлар 
ва қонунчиликда тақиқланмаган бошқа манбалар ҳисобидан амалга оширилиши белгиланган. 
Шунингдек, Фармонда профессионал таълим дастурларини ЮНЕСКО ташкилоти томонидан қабул 
қилинган Таълимнинг халқаро стандарт таснифлагичи (МСКО) даражалари билан уйғунлаштирган 
ҳолда ўқув жараёнига жорий этиш ва мазкур жараёнга иш берувчиларни кенг жалб қилиш назарда 
тутилган. 
Авваломбор, таълимни ташкил этиш фаолиятини “хизмат” экщрсатиш деб белгиланса, бозор 
муносабатлари шароитида ҳар қандай хизмат учун амалда ушбу хизматдан фойдаланувчилар 
томонидан маблағ тўланишининг назарда тутилиши, рақобат муҳитини юзага келтириб, хизматлар 
сифатини ошишини таъминлайди, деб белгиланса тўғри бўлади. Шу жиҳатдан, профессионал таълим 
муассасаларининг инвестицион жозибадорлигини ошириш муҳим ҳисобланиб, тизим муассасалари 
иқтисодий барқарорлигини таъминлашда вазирликлар, идоралар, корхоналар, ташкилотлар ва 
фуқароларнинг маблағларини жалб қилиш, мазкур маблағлардан самарали фойдаланишни ташкил 
этиш билан бирга, таълим муассасаларининг мустақил ривожланиши, ўз-ўзини моддий таъминлаши, 
даромад олиши ва яқин келажакда давлат ғазнасига ўз муносиб салмоғини қўша олиши 
йўналишидаги фаолиятлари рағбатлантирилиши лозим. Бунда таълим олувчиларнинг турли 
даражадаги таълимий эҳтиёжларини аниқлаш, “Ҳаёт давомида таълим олиш” принципи асосида 
жамиятнинг қўшимча таълим хизматларига бўлган эҳтиёжларини қондириб бориш, маркетинг 
тадқиқотлари асосида таҳлилий мониторинг юритиш каби вазифалар, таълим муассасаларининг 
самарали фаолият юритишининг асосий шарти бўлиб қолади.
Таълим хизмати истеъмолчиси таълим муассасасига мурожаат қилар экан, ўқитиш натижасини 
олдиндан билмаслиги мумкин. Шундай бўлсада, таълим олувчи бевосита рекламалар, бошқа 
истеъмолчилар фикрлари ёки мавжуд тажрибалар таҳлили асосида муайян бир таълим муассасасини 
танлайди ва таълим хизматлари жараёни маълум бир муддат(узоқ) давом этади. Мазкур жараён 
таълим муассасаси фаолиятига таъсир кўрсатувчи ташқи ва ички омиллардаги ўзгаришлар билан 
бирга кечади. Иқтисодий барқарорлик таълим муассасасининг узоқ муддатли позициясида ички ва 
ташқи кўрсаткичлар динамикасини баҳолашга асосланади ва таълим муассасасининг иқтисодий 
юксалиш ва ўзгарувчан омиллар шароитида ўзининг стратегик мақсадларига эришиши ва узлуксиз 
иқтисодий муваффақиятли фаолият олиб бориш қобилияти сифатида кўрилади. Шу нуқтаи назардан