2. Генератор ва реле-созлагичларига техник хизмат кўрсатиш Стартерларга техник хизмат кўрсатиш

Ёритиш ва огоҳлантириш анжомларининг носозликларини келиб чиқиши лампочкаларнинг куйиши, узгич-улагичларнинг ишдан чиқиши натижасида рўй беради. Энг асосий қийинчилик фараларнинг носозлиги аниқлашдан иборат. Яқин ёритиш чироқлари 30м ни, узоқ ёритиш чироқлари 100 м масофани ёритиши керак. Бурилиш чироқларининг ўчиб ёниш частотаси 1,50,5Гц ни ташкил қилиши керак.
Фаралар махсус оптик приборлар ёки автомобилдан маълум масофада деворга ўрнатилган махсус экран ёки жиҳозлар ёрдамида созланади. Ростлаш вақтида битта фара ёруғлик нури ўтказмайдиган ғилоф билан ёпиб қўйилади. Агарда фарани созлашда экрандан фойдаланилса, у ҳолда экран, автомобилнинг турига қараб, ундан 5-12м гача узоқликда жойлаштирилиши мумкин. Агар ёруғлик шарпасининг эллипссимон шакли маркази билан экрандаги вертикал ва горизантал чизиқларнинг кесишиш нуқтаси мос тушмаса, фаралар ростлаш винтлари ёрдамида созланади. Шундай тартибда иккинчи фара ҳам созланади.
Ёритиш жиҳозларининг яроқсиз деталлари алмаштириш йўли билан таъмирланади.

.4. Текширув-назорат асбобларига техник хизмат кўрсатиш

Текширув-назорат асбобларининг ишлаш қобилияти ва тўғри кўрсатиши текширилади. Уларнинг носозликлари сим чулғамларининг куйиши, симларнинг узилиши, нотўғри кўрсатиши бўлиб, тузатиб бўлмаса, улар янгисига алмаштирилади. Мой босими, сув ҳарорати ва ёнилғи сатҳининг кўрсатгичлари датчик ва қабул қилувчиларнинг ишчанлигини текшириш учун, улар автомобилдан ечиб олинади ва маҳсус жиҳозлар ёрдамида меъёр кўрсатгичларига таққослаб текширилади.
Датчик ёки приёмникнинг носозлиги аниқланганда уларни соз ҳолатдаги датчик ёки приёмник билан алмаштириш тавсия этилади, чунки датчик ва приёмник конструкцияси қисмларга ажралмайди ва эксплуатация жараёнида таъмирланмайди.
Магнитоэлектрик ҳарорат кўрсаткичлар созлигини текширишни 20°С да ва маълум бир кетма-кетлик билан амалга ошириш тавсия этилади, бунинг учун датчик ва приёмник автомобилдан ечиб олиниши керак. Приёмник мосламага ишчи ҳолатда ўрнатилади. Датчик тўлдирилган ва радиатор қопқоғи билан беркитилган махсус ваннага солинади. Радиатор қопқоғи ваннадаги сув ҳароратини 100°С дан оширишга имкон беради.
Мой ҳароратини ўлчаш учун мўлжалланган датчиклар мой тўлдирилган ваннада текширилади.

Приемник шкаласининг текшириладиган нуқталари, С	40	80	100	110	120
Рухсат этилган ҳатолик, С	 8	 5	 5	 6	 6

Хатолик юқори бўлган ҳолатда ҳарорат кўрсаткичнинг приёмниги ва датчигини алоҳида текшириш лозим.
Агар бу кўрсаткичлар меъёр чегарасида бўлса, асбоблар соз ҳолда ҳисобланади акс ҳолда янгисига алмаштирилади.