|
4§. Mahalliy byudjetning kassaviy ijrosi bo’yicha operatsiyalarning rasmiylashtirilishi va hisobi.
O’zbekiston Respublikasi banklari Qoraqalpog’iston Respubli-kasi byudjeti va mahalliy (viloyat, shahar, tuman) byudjetlarning kassa ijrosini amalga oshiradi.
O’zbekiston Respublikasi banklari tegishli byudjetlar uchun quyidagi 23426, 23430, 23432 asosiy talab qilib olguncha depozit varaqlarini ochadilar. Qoraqalpog’iston Respublikasi byudjeti va mahalliy byudjetlarining asosiy talab qilib olguncha depozit varaqlariga quyidagi mablag’lar o’tkaziladi:
tegishli byudjetlarning daromadlari va moliya bo’limlarining ikkilamchi talab qilib olguncha depozit hisobvaraqalaridagi mablag’lar;
mahalliy byudjet hisobidan moliyalashtirish uchun ajratilgan mablag’larni tassarruf etuvchilarning hisobvaraqlaridan hamda mahalliy byudjet hisobidan investitsiyalarni moliyalashtirishga ajratilgan mablag’lar, moliya bo’limlari tomonidan qaytarib olinganda;
boshqa yuqori va quyi byudjetlardan kelib tushgan mablag’lar;
boshqa belgilangan daromadlar;
maqsadli subventsiya tushumlari;
belgilangan normativ bo’yicha ajratmalar.
Moliya bo’limlari tomonidan banklarga taqdim etilgan soliq to’lovchilarning ro’yxatida ko’rsatilgan soliqlar va daromadlar kelib tushganda, ushbu soliqlar va daromadlar tegishli moliya bo’limlarining hisobvaraqlariga to’g’ri o’tkazilish lozim.
Qoraqalpog’iston Respublikasi byudjeti va boshqa mahalliy byudjetlarning asosiy talab qilib olguncha depozit varaqlaridan xarajatlar tasdiqlangan smetalarga asosan belgilangan tartibda amalga oshiriladi.
Mustaqil ravishda buxgalteriya hisobini yuritadigan mahalliy byudjetlar qaramog’idagi tashkilotlar va muassasalarga talab qilib olinguncha depozit varaqlar ochiladi.
Byudjet mablag’larini tasarruf etuvchi tashkilotlar va muassasalarga talab qilib olinguncha depozit hisobvaraqlar, tegishli mahalliy byudjetlarning mos hisobvaraqlari ochiladi va umumiy qabul qilingan tartibga asosan rasmiylashtiriladi.
Hokimiyat va uning bo’limlari, qoshida tashkil etilgan, operatsiyalarni markazlashtirilgan buxgalteriya hisobi bo’yicha amalga oshirish uchun talab qilib olguncha depozit hisobvaraqlar shu bo’limlar nomi bilan tegishli mahalliy byudjetlarning mos hisobvaraqlarida ochiladi. Bu hisobvaraqlar bo’yicha birinchi imzo qo’yish huquqi shu bo’limlarning boshlig’iga va ikkinchi imzo qo’yish huquqi markazlashtirilgan buxgalteriyaning bosh buxgalteriga beriladi.
Mahalliy byudjetlar va byudjet muassasalarining talab qilib olguncha depozit hisobvaraqlaridagi mavjud qoldiq summalari yil oxirida yopilmaydi va yangi yil hisobiga qoldiq bo’lib o’tkaziladi. Mahalliy byudjet hisobidan investitsiyalar bo’yicha ajratilgan mablag’larning va moliya bo’limlarining tranzit hisobvaraqlaridagi qoldiqlar mijoz topshirig’ini olmasdan mahalliy byudjetlarning talab qilib olguncha depozit hisobvaraqlariga o’tkaziladi.
Tashkilotlar va muassasalarning smetalar bo’yicha belgilangan mablag’lar miqdorida byudjet mablag’laridan xarajatlar amalga oshiriladi, joriy yilning birinchi yanvaridan boshlab, byudjet tashkilotlari va muassasalariga ish haqi to’lash uchun mablag’lar xodimlar ro’yxati jadvalini va xarajatlar smetasini tegishli moliya bo’limlaridan ro’yxatdan o’tkazgandan keyingina banklar tomonidan beriladi. Tashkilotlar va muassalar o’zlariga xizmat ko’rsatuvchi banklarga moliya bo’limlari tomonidan ro’yxatdan o’tkazilgan xarajatlar smetasining nusxasini taqdim etishlari lozim.
Ish haqi berilganda banklar o’rnatilgan tartibda ushlab qolingan soliqlarning va pensiya fondiga badal summalarining o’z vaqtida o’tkazilishini nazorat qilishlari lozim.
Moliya bo’limlarining to’lov topshiriqnomalariga asosan mahalliy byudjetlarning asosiy talab qilib olguncha depozit hisobvaraqlaridan mablag’lar byudjet mablag’larining tasarruf etuvchilarning talab qilib olguncha depozit hisobvaraqlariga o’tkaziladi.
Markazlashtirilgan buxgalteriya hisobini yuritadigan byudjet muassasalariga etkazib beriladigan tovar-moddiy boyliklar va ko’rsatilgan xizmatlar uchun ularga xizmat ko’rsatadigan byudjet muassasalari tomonidan to’lovlarni o’tkazish uchun banklarga to’lov topshiriqnomalari taqdim etiladi.
Byudjet muassasalarining talab, qilib olguncha depozit hisobvaraqalariga quyidagi mablag’larini o’tkazilishi mumkin:
tovar-moddiy boyliklarni sotishdan olingan mablag’lar;
debetorlik qarzlari va qachon sotib olganidan qat’iy nazar, tovar-moddiy boyliklarni sotib olish bilan bog’liq bo’lgan hisobdor shaxslarning majburiyatlari bo’yicha kelib tushgan summalar.
Bolalar muassasalarining talab qilib olguncha depozit hisobvaraqlariga ota- onalar tomonidan bolalarni tarbiyalash va o’qitish uchun kelib tushgan mablag’lar, korxonalar, tashkilotlarning fondlari hisobidan bolalarning ovqatlanishini yaxshilash uchun ajratilgan mablag’lar, shuningdek, ishchilarni rag’batlantirish, bolalar mussasalarini kapital ta’mirlash, inventarlar va uskunalarni sotib olish uchun belgilangan tartibda tushadigan boshqa mablag’lar kiritiladi.
Do'stlaringiz bilan baham: |
