[
OKOZ:
1.13.00.00.00 Ta’lim. Fan. Madaniyat / 13.01.00.00 Ta’lim / 13.01.08.00 Maktabgacha ta’lim]
[
TSZ:
1.Ijtimoiy-madaniy masalalar / Ta’lim]
O‘zbekiston
Respublikasi Prezidentining
Qarori
Hududlarda maktabgacha ta’lim xizmatlarini kengaytirish bo‘yicha qo‘shimcha chora-tadbirlar to‘g‘risida
Qamrov darajasi past bo‘lgan tumanlarda maktabgacha ta’lim tashkilotlari tarmog‘ini kengaytirish, ular uchun zarur shart-sharoitlar yaratish hamda moddiy-texnika bazasini mustahkamlash, 3 — 7 yoshli bolalarga ta’lim-tarbiya xizmatlarini ko‘rsatish sifatini yaxshilash hamda sohada nodavlat sektorining ulushini oshirish maqsadida:
1. 2021-2022-yillarda maktabgacha ta’lim xizmatlarini kengaytirish bilan bog‘liq chora-tadbirlarni moliyalashtirish uchun Moliya vazirligiga Tiklanish va taraqqiyot jamg‘armasi hisobidan 100 million AQSh dollari miqdorida mablag‘lar ajratilsin.
2.
Belgilansinki, mazkur qarorning 1-bandida ko‘rsatilgan mablag‘lar:
Oldingi tahrirga qarang.
Moliya vazirligiga foizsiz 2026-yilda qaytarish sharti bilan ajratiladi;
(2-bandning ikkinchi xatboshisi O‘zbekiston Respublikasi Prezidentining 2021-yil 2-noyabrdagi PQ-5272-sonli qarori tahririda — Qonunchilik ma’lumotlari
milliy bazasi, 02.11.2021-y., 07/21/5272/1010-son)
Oldingi tahrirga qarang.
ajratilayotgan mablag‘larni qaytarish O‘zbekiston Respublikasi respublika budjeti mablag‘lari hamda qonunchilik hujjatlarida taqiqlanmagan boshqa manbalar hisobidan amalga oshiriladi.
(2-bandning uchinchi xatboshisi O‘zbekiston Respublikasi Prezidentining 2021-yil 2-noyabrdagi PQ-5272-sonli qarori tahririda — Qonunchilik ma’lumotlari milliy bazasi, 02.11.2021-y., 07/21/5272/1010-son)
3. Moliya vaziri T. Ishmetov boshchiligida Qamrov darajasi past bo‘lgan tumanlarda maktabgacha ta’lim xizmatlarini rivojlantirish bo‘yicha komissiya (keyingi o‘rinlarda — Komissiya) ilovaga muvofiq tashkil etilsin.
Quyidagilar Komissiyaning asosiy vazifalari etib belgilansin:
nodavlat maktabgacha ta’lim tashkilotlarini tashkil etish bo‘yicha loyihalarni odillik va shaffoflik tamoyillari asosida tanlash va moliyalashtirish;
davlat maktabgacha ta’lim tashkilotlarini qurish va jihozlash bo‘yicha manzilli dasturlarning o‘z vaqtida va sifatli amalga oshirilishini ta’minlash;
maktabgacha ta’lim bilan qamrov darajasini oshirish maqsadlariga ajratilayotgan markazlashgan mablag‘lardan manzilli va samarali foydalanishini ta’minlash, sohada amalga oshirilayotgan loyihalarni doimiy tahlil qilib borish, aniqlangan kamchiliklarni bartaraf qilish bo‘yicha zarur choralarni ko‘rish;
maktabgacha ta’lim xizmatlarini kengaytirish bilan bog‘liq chora-tadbirlarni moliyalashtirishda
korrupsiya holatlariga, ortiqcha sarsongarchilik va qog‘ozbozlikka yo‘l qo‘ymaslik.
4. Komissiya (T. Ishmetov) mazkur qarorga muvofiq belgilangan vazifalar doirasida amalga oshirilgan ishlar to‘g‘risida axborotni har oyda O‘zbekiston Respublikasi Prezidenti Administratsiyasiga kiritib borsin.
5. Mazkur qarorning ijrosini nazorat qilish O‘zbekiston Respublikasi Bosh vazirining o‘rinbosarlari J.A. Qo‘chqorov va B.A. Musayev zimmasiga yuklansin.
O‘zbekiston Respublikasi Prezidenti Sh. MIRZIYOYEV
Toshkent sh.,
2021-yil 26-may,
PQ-5125-son
O‘zbekiston Respublikasi Prezidentining 2021-yil 26-maydagi PQ-5125-son qaroriga
ILOVA
Qamrov darajasi past bo‘lgan tumanlarda maktabgacha ta’lim xizmatlarini rivojlantirish bo‘yicha
komissiya
TARKIBI
1.
|
T.A. Ishmetov
|
—
|
moliya vaziri, Komissiya raisi
|
2.
|
A.V. Shin
|
—
|
maktabgacha ta’lim vaziri, Komissiya raisining o‘rinbosari
|
3.
|
B.O. Onorboyev
|
—
|
Vazirlar Mahkamasi kotibiyati mudiri
|
4.
|
A.M. Boboyev
|
—
|
iqtisodiy taraqqiyot va kambag‘allikni qisqartirish vazirining o‘rinbosari
|
5.
|
N.B. Xusanov
|
—
|
bandlik va mehnat munosabatlari vaziri
|
6.
|
B.I. Zokirov
|
—
|
qurilish vaziri
|
7.
|
A.A. Kamalov
|
—
|
Markaziy bank raisining o‘rinbosari
|
8.
|
Lavozimi bo‘yicha
|
—
|
Qoraqalpog‘iston Respublikasi Vazirlar Kengashi Raisining birinchi o‘rinbosari, viloyatlar hokimlarining birinchi o‘rinbosari
|
9.
|
A.B. Eshchanov
|
—
|
Moliya vazirligi departament direktori, Komissiya mas’ul kotibi
|
Izoh. Komissiya a’zolari boshqa ishga o‘tgan taqdirda uning tarkibiga mazkur lavozimlarga yangi tayinlangan yoki tegishli funksiyalarni bajarish zimmasiga yuklatilgan shaxslar kiritiladi.
(Qonunchilik ma’lumotlari milliy bazasi, 27.05.2021-y., 07/21/5125/0503-son, 02.11.2021-y., 07/21/5272/1010-son)
